ژماره‌ی تووشبووان به‌ ڤایرۆسی كۆرۆنا له‌ جیهاندا گه‌یشتۆته‌ زیاتر له‌ 80 هه‌زار كه‌س

زیاتر له‌ 27 هه‌زاریش چاكبوونه‌ته‌وه‌

به‌پێی ئاماره‌ فه‌رمییه‌كان تا ئێستا دوو هه‌زار و 700 كه‌س له‌ جیهاندا به‌هۆی ڤایرۆسی كۆرۆناوه‌ گیانیان له‌ده‌ستداوه‌ و 80 هه‌زار و  149كه‌سی دیكه‌ش دووچاری ڤایرۆسه‌كه‌ بوون و زیاتر له‌ 27 هه‌زاریش چاكبوونه‌ته‌وه‌.

ڤایرۆسی كۆرۆنا كه‌ سه‌ره‌تا له‌ ویلایه‌تی هوبای رۆژهه‌ڵاتی چین سه‌ریهه‌ڵدا و به‌خێرایی به‌ ناوچه‌كانی دیكه‌ی ئه‌و وڵاته‌دا بڵاوبووه‌وه‌، تا ئێستا بووه‌ته‌ هۆی گیان له‌ده‌ستدانی دوو هه‌زار و 6699 كه‌س له‌ چین و دوو كه‌س له‌ هه‌رێمی هۆنگ كۆنگ.

ڤایرۆسه‌كه‌ ته‌نها له‌ سنووری چیندا نه‌ماوه‌ته‌وه‌ و په‌لی هاویشتووه‌ بۆ وڵاتانی دیكه‌ش، به‌م هۆیه‌وه‌ له‌ ئێران 14 و له‌ كۆریای باشوور هه‌شت و له‌ ئیتاڵیا حه‌وت و له‌ ژاپۆن چوار و له‌ هه‌ریه‌كه‌ له‌ فلیپین و تایوان و فه‌ڕه‌نسا كه‌سێك گیانی له‌ده‌ستداوه‌.

ژماره‌ی توشبووان به‌ ڤایرۆسه‌كه‌ش له‌ سه‌رتاسه‌ری جیهاندا، 80 هه‌زار كه‌سی تێپه‌ڕاندووه‌ كه‌ 77 هه‌زار و 659یان له‌ چین-ن، هه‌روه‌ها 81 توشبوو له‌ هه‌رێمی هۆنگ كۆنگ، 10 توشبوو له‌ هه‌رێمی ماكاو و 30 توشبوو له‌ تایوان هه‌ن.

به‌پێی راپۆرتی ناوه‌نده‌ پزیشكییه‌كانی وڵاتانی جیهان ژماره‌ی توشبووان به‌ كۆرۆنا له‌ ده‌ره‌وه‌ی چین به‌م شێوه‌یه‌یه‌: "كۆریای باشوور 893، ژاپۆن 850، ئیتاڵیا 229، سینگاپور 89، ئێران 61، ئه‌مریكا 35، تایلاند 35، ئوسترالیا 23، مالیزیا 22، ڤیێتنام 16، ئه‌ڵمانیا 16، به‌ریتانیا و ئیمارات هه‌ریه‌كه‌یان 13، فه‌ڕه‌نسا 12، كه‌نه‌دا 11، هیندستان، فلیپین و كوێت هه‌ریه‌كه‌یان سێ، رووسیا، ئیسپانیا، ئیسرائیل و عه‌ممان هه‌ریه‌كه‌یان دوو، عێراق، به‌حرێن، نیپال، سریلانكا، كامبۆدیا، به‌لجیكا، سوید، فینلاند، میسر، لوبنان و ئه‌فغانستان هه‌ریه‌كه‌یان یه‌ك حاڵه‌تی توشبوون به‌ ڤایرۆسه‌كه‌یان تیادا تۆمار كراوه‌.

بابه‌ته‌ پەیوەندیداره‌كان

نوێترین ڤیدیۆ

COVID-19
تووشبوون
18,834,716
گیان له‌ده‌ستدان
707,158
چاکبوونەوە
12,024,636
تووشبووان
15,500
گیان له‌ده‌ستدان
586
چاکبوونەوە
9,551
تووشبووان
137,556
گیان له‌ده‌ستدان
5,094
چاکبوونەوە
98,442