Erbil 15°C پێنجشەممە 28 ئازار 12:18

ژووری ئۆپه‌راسیۆنه‌کانی گه‌رمیان کۆمه‌ڵێک بڕیاری به‌په‌له‌ى ده‌رکرد

به‌ مه‌به‌ستی باشتر گرتنه‌به‌ری رێكاره‌كان له‌ پێناو رێگری له‌ بڵاوبوونه‌وه‌ی ڤایرۆسی كۆرۆنا
کوردستان TV
100%

ئه‌مڕۆ پێنجه‌ممه‌ به‌ بڕیاری وه‌زاره‌تی ناوخۆ له‌لایه‌ن ئه‌ندامانی ژووری ئۆپه‌راسیۆنه‌كانی ئیداره‌ی گه‌رمیان، ئه‌م بڕیارانه‌ی لای خواره‌وه‌ دران.

1. داوا له‌و هاوڵاتیانه‌ ده‌كه‌ین له‌ كۆماری ئیسلامی ئێرانه‌وه‌ گه‌ڕاونته‌وه‌ و تا ئێستا پشكنینیان ئه‌نجامنه‌داوه‌، له‌ ماوه‌ی (72) كاتژمێر به‌ خۆیان و پاسپۆرته‌كانیان سه‌ردانی نه‌خۆشخانه‌ی گشتی كه‌لار بكه‌ن به‌ مه‌به‌ستی وه‌رگرتنی سامپڵی پێویست بۆ پشكنین، به‌پێچه‌وانه‌وه‌ هه‌ر یه‌كێك له‌و هاوڵاتیانه‌ سه‌ردان نه‌كات رێكاری یاسایی به‌رامبه‌ر ده‌گیرێته‌به‌ر، ته‌واوی ئه‌و هاوڵاتیانه‌ ناو و ناونیشان و ژماره‌ی ته‌له‌فۆنی له‌به‌رده‌ستمانه‌.

2. درێژكردنه‌وه‌ی قه‌ده‌غه‌ی هاتوچۆ تا رۆژی (24/3/2020)، ته‌نها شانده‌ فه‌رمییه‌كان و رێكخراوه‌كان و راگه‌یه‌ندنكاران و ئه‌و كارمه‌ندانه‌ی له‌ ئه‌ركدان ده‌توانن هاتوچۆ بكه‌ن.

3. له‌ ماوه‌ی قه‌ده‌غه‌ی هاتوچۆ خاوه‌ن كۆمپانیاكان و ماركێته‌كان و بازرگانه‌كان، ده‌توانن له‌ كاتژێر (12) ی شه‌و تا (6)ی به‌یانی شمه‌ك و خۆراك بۆ ماركێته‌كان و شوێنی كاریان بهێنن.

4. جوتیاران و خاوه‌ن باخ و مه‌زره‌عه‌كان، له‌ (12)ی شه‌و تا (6)ی به‌یانی رێگه‌یان پێده‌درێت سه‌ردانی باخه‌كانیان بكه‌ن به‌ مه‌به‌ستی راییكردنی كاره‌كانیان.
5. رێكخستنه‌وه‌ی كاری مه‌رزی په‌روێزخان و جموجۆڵی بازرگانی به‌شێوه‌یه‌ك زیاتر به‌ریه‌ككه‌وتن كه‌مبكرێته‌وه‌.

6. ئیداره‌ی گه‌رمیان ده‌سه‌ڵات ده‌به‌خشێته‌ قایمقامه‌كانی قه‌زای كه‌لار و قه‌زای كفری به‌ مه‌به‌ستی باشتر گرتنه‌به‌ری رێكاره‌كان له‌ پێناو رێگری له‌ بڵاوبونه‌وه‌ی ڤایرۆسی كۆرۆنا و سه‌لامه‌تی هاوڵاتیان.

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.