83 حاڵەتی نوێی توشبون بە ڤایرۆسی کۆرۆنا لە عێراق تۆمارکران

ژماره‌ى توووشبوانى كۆرۆنا له‌ عێراق گه‌یشته‌ 630 كه‌س.


وه‌زاره‌تى تەندروستی عێراق رایگەیاند،  83 حاڵەتی نوێی توشبون بە ڤایرۆسی کۆرۆنا لە پارێزگاکانى عێراق تۆمارکراون. به‌م پێیه‌ش ژماره‌ى توووشبوانى كۆرۆنا له‌ عێراق گه‌یشته‌ 630 كه‌س.

لە بەیاننامەیەكدا وەزارەتی تەندروستی عێراق دوایین ئاماری تووشبوون و مردن بەهۆی ڤایرۆسی كۆرۆنا لە سەرانسەری عێراق بە هەرێمی كوردستانیشەوە راگەیاند.

بەگوێرەی بەیاننامەكە، لە ماوەی 24 كاتژمێری رابردوودا 83 حاڵەتی نوێی تووشبوون بە ڤایرۆسی كۆرۆنا لە سەرانسەری عێراق و پارێزگاكانی هەرێمی كوردستان تۆماركراون، بەم شێوەیەی خوارەوە:

له‌ بەغدا روسافە: 2 حاڵەت و له‌ بەغدا شاری پزیشكان: 1 حاڵەت و له‌ بەغدا كەرخ: 11 حاڵەت و له‌ بەسرە: 10 حاڵەت و له‌ نەجەف: 18 حاڵەت و له‌ سلێمانی: 14 حاڵەت و له‌  كەربەلا: 3 حاڵەت و له‌ موسەننا: 12 حاڵەت و له‌ هەولێر: 10 حاڵەت و له‌ دهۆك: 2 حاڵەت .

وەك لە بەیاننامەكەدا راگەیەندراوە، لە ماوەی شەو و رۆژێكدا 4 حاڵەتی نوێی مردن بەهۆی پەتاكە تۆماركراون، بە شێوەیەك: "2 حاڵەت لە نەجەف، حاڵەتێك لە واست و حاڵەتێكیش لە دیالە".

هەروەها 9 كەسیش بە تەواوی لەو پەتایە چاك بوونەتەوە، "6 حاڵەت لە نەجەف و 3 حاڵەتیش لە هەولێر".

تا ئێستا كۆی تووشبووان لە عێراق و هەرێمی كوردستان ژمارەیان گەیشتووەتە 630 حاڵەت، لەكاتێكدا بەهۆی ئەو پەتایە تا ئێستا 46 كەس گیانیان لەدەستداوە و 152 كەسیش بە تەواوی لە ڤایرۆسەكە چاك بوونەتەوە.