ته‌ندروستی هه‌ولێر: تووشبویه‌كی دیكه‌ی كۆرۆنا چاكبووه‌وه‌

کۆی گشتیی ئه‌و كه‌سانه‌ى كه‌ چاكبوونه‌ته‌وه‌ گەیشتە حەوت كه‌س


به‌ڕێوەبه‌رایه‌تی گشتیی ته‌ندروستیی هه‌ولێر رایگه‌یاند" تووشبویه‌كی دیكه‌ به‌ ڤایرۆسی كۆرۆنا دوای وه‌رگرتنی چاره‌سه‌رى پێویست چاكبووه‌ته‌وه‌.

به‌ڕێوەبه‌رایه‌تی گشتیی ته‌ندروستیی هه‌ولێر ئاشكرایكرد ، كه‌ تووشبوه‌كه‌ پشکنینی تایبەتی یەک لەدوای یەکی بۆ کراوه‌ته‌وه‌ و ئه‌نجامه‌كه‌ی نێگەتیڤ بووه‌، به‌وه‌ش کۆی گشتیی  ئه‌و كه‌سانه‌ى كه‌ چاكبوونه‌ته‌وه‌ گەیشتە حەوت كه‌س.

ته‌ندروستیی هه‌ولێر جه‌ختیكردوه‌ته‌وه‌ كه‌ جێبەجێکردنی ڕێنماییەکان زامنی زاڵبوونە بەسەر ئەم پەتا جیهانیەدا.