پۆلیس: ئافره‌تێك بەسوتاوی گەیەندرایە نەخۆشخانە

پۆلیس: دۆسیەی لێکۆڵینەوە بۆ ڕووداوەکە ڕێکخراو لێکۆڵینەوەش بەردەوامە

له‌راگه‌یاندراوێكدا به‌رێوه‌به‌رایه‌تى پۆلیسى راپه‌رین بڵاوی كرده‌وه‌ ، كه‌کاتژمێر 8:20 خولەکی سەرلەبەیانی ئەمڕۆ ئافره‌تێك بەناوی ( ع . م . ع ) لەدایک بووی ساڵی1993 پیشەی ئافره‌تی ماڵ، دانیشتووی قەڵادزێ گەڕەکی نەورۆز بەسوتاوی گەیەندرایە نەخۆشخانەی گشتی قەڵادزێ.

راشیده‌گه‌یه‌نن ، بەوتەی خۆی نەوتی کردۆتە سەماوەر و دواتر گڕی گرتووە، بەڵام لەئێستادا هۆکاری ڕاستەقینەی ڕووداوکە نادیارە کە بەگوێرەی ڕاپۆرتی پزیشکی ڕێژەی سوتاویەکە 90%ـە و بەهۆی سەختی برینەکەشی بەڕێکرا بۆ سلێمانی

پۆلیس راشیده‌گه‌ێنێت ،  دۆسیەی لێکۆڵینەوە بۆ ڕووداوەکە ڕێکخراوە و لێکۆڵینەوەش بەردەوامە.