11 گه‌ڕه‌كی شاری هه‌ولێر كه‌ره‌نتین كران

خه‌ڵكانێكی ئه‌و گه‌ره‌كانه‌ به‌شدارییان له‌ دوو پرسه‌كه‌ كردبوو

سامان به‌رزنجی، وه‌زیری ته‌ندروستی حكومه‌تی هه‌رێمی كوردستان رایگه‌یاند: 11 گه‌ڕه‌كی شاری هه‌ولێر كه‌ره‌نتین كران.

هاوكات به‌رێوه‌به‌ری ته‌ندروستی هه‌ولێر رایگه‌یاند:هاووڵاتیانی 11 گه‌ڕه‌كی شاری هه‌ولێرو ده‌وروبه‌ری پشكنینان بۆ ده‌كرێت و زۆربه‌ی تووشبووه‌كانیش به‌ركه‌وته‌ی دوو پرسه‌كه‌ن.

شایانی باسه‌ ئه‌و گه‌ره‌كانه‌شی كه‌ كه‌ره‌نتین كران بریتین له‌ كارێزان،  كانی گه‌نی، ئاڵتون سیتی، شێخ ئه‌حمه‌د، زانكۆ، چنار، مامۆستایان، 124ی گوڵان، ژیان و زیلان سیتی .