نرخی یه‌ك به‌رمیل نەوت خاوی برێنت گەیشتە 35 دۆلار و 66 سه‌نت

لە بازاڕەکانی جیهاندا

بەرمیلێک خاوی برێنت لە بازاڕەکانی جیهاندا، بە ٣٥ دۆلار و ٦٦ سەنت مامەڵەی پێوەدەکرێت.


دوێنێ نرخی بەرمیلێک خاوی برێنت لە بازاڕەکانی جیهاندا گەیشتە ٣٦ دۆلار و ٦٨ سەنت و رۆژەکەشی بە ٣٦ دۆلار و ٢٧ سەنت تەواو کرد، بەڵام کاتژمێر ٢٩:٠٩ی بەیانی ئەمڕۆ نرخی نەوت لەسەدا ١،٦٨ دابەزی و گەیشتە ٣٥ دۆلار و ٦٦ سەنت.

لە هەمان کاتدا بەرمیلێک خاوی رۆژئاوای تێکساس، بە ٣٣ دۆلار و ٨٤ سەنت مامەڵەی پێوەکرا.

دابەزینی نرخی نەوتیش پەیوەندی هەیە بەو نیگەرانییانەی کە گرژییەکانی نێوان چین و ئەمریکا دروستی کردوون.

لە لایەکی دیکەشەوە سێ لەو پێنج کەشتییە نەوتهەڵگرەی ئێران رەوانەی ڤێنیزوێلای کردبوو گەیشتنە بەندەرەکانی ئەو وڵاتە.