عێراق مووچه‌ی هه‌ندێك له‌به‌رێوه‌به‌رایه‌تییه‌كانی په‌روه‌رده‌ خه‌رج ده‌كات

له‌هه‌رێمی كوردستانیش ئه‌مڕۆ و سبه‌ی مووچه‌ی په‌روه‌رده‌كانی ناو شارو ده‌ره‌وه‌ی شار دابه‌ش ده‌كرێت

بانكی رافیده‌ین ئه‌مڕۆ چوارشه‌ممه‌ رایگه‌یاند كه‌ مووچه‌ی هه‌ندێك له‌ به‌رێوه‌به‌رایه‌تییه‌كانی سه‌ر به‌وه‌زاره‌تی په‌روه‌رده‌ له‌به‌غداو هه‌ندێك پارێزگا خه‌رج كردووه‌.

شایانی باسه‌ دوای دابه‌زینی نرخی نه‌وت و بڵاوبوونه‌وه‌ی ڤایرۆسی كۆرۆنا، عێراق تووشی قه‌یرانی دارایی بۆته‌وه‌و كه‌ ئه‌مه‌ش كاردانه‌وه‌ی له‌سه‌ر مووچه‌ی مووچه‌ خۆران كردووه‌،دوێنێش ئه‌ندامێكی لێژنه‌ی دارایی له‌ ئه‌نجومه‌نی نوێنه‌رانی عێراق رایگه‌یاند: ئه‌وانه‌ی به‌نایاسایی و ئه‌وانه‌ی دوو مووچه‌ وه‌رده‌گرن ،مانگانه‌ دوو ملیار دۆلار له‌سه‌رحكومه‌ت ده‌وه‌ستێ،بۆیه‌ش حكومه‌تی عێراق ده‌بێ مانگانه‌ 5 ملیار نیو دۆلار بۆ خه‌رجی مووچه‌ دابین بكات.

شایانی باسه‌ هه‌ر ئه‌مڕۆش له‌ هه‌رێمی كوردستان مووچه‌ی په‌روه‌رده‌كانی ده‌ره‌وه‌ی شار دابه‌ش ده‌كرێت و رۆژی پێنج شه‌ممه‌ش مووچه‌ی په‌روه‌رده‌كانی ناو شار دابه‌ش ده‌كرێت.

وه‌رگێڕان و داڕشتنه‌وه‌ی / رزگار