نووسەری دیاری کورد (سەدرەدین عارف ) کۆچی دوایی كرد

چەندين چیرۆک و لێکۆلێنەوەی ئەدەبی هەیە

دوێنێ شه‌مه‌ 1-8-2020 نووسەری دیاری شاری كەرکوک و کوردستان ، سەدرەدین عارف کۆچی دوایی کرد.

 
 یەکێتی نووسەران لقی کەرکوکی لە پرسە نامەیەکدا کە بۆ کۆچی دوایی نوسەر بڵاویان کرۆدتەوە دەڵێن" یەکێتیی نووسەرانی کوردەوە، پرسەو، سەرخۆشیی خۆمان ئاراستەی خێزان و ماڵبات و کەسوکارو هاوڕێی، نووسەرو چیرۆکنووس و، ئەندامی لقەکەمان، سەدرەدین عاف دەکەین، کەئیڕۆ گیانی سپاردو، گەڕایەوە بەر دلۆڤانیی خوا".


سەدرەدین عارف عومەر، ساڵی 1940 لە كەركووك لە دایكبووە، ساڵی 1962 لە بەشی ئینگلیزیی كۆلێژی ئاداب لە بەغدا خوێندوویەتی، سەرەتا لە بواری وەرگێڕاندا كاری كردووە و لە ساڵی 1967 ـەوە چیرۆكی نووسیوە و لە رۆژنامە و گۆڤارەكاندا بڵاوی كردوونەتەوە، چەندين چیرۆک و لێکۆلێنەوەی ئەدەبی هەیە.