له‌فەڕەنسا 10 هەزار و 593 كه‌س له‌ 24 كاتژمێری رابردوو تووشی كۆرۆنا بوون

لە فەڕەنسا لە ماوەى ٢٤ كاتژمێرى رابردوودا ١٠ هەزار و ٥٩٣ حاڵەتى نوێى تووشبوون بە ڤایرۆسى كۆرۆناى نوێ (COVID-19) تۆماركراوە و بەمشێوەیە ئەو ژمارەیە لە سەرەتاى سەرهەڵدانى پەتاكەوە بۆ ئێستا بەرزترین ژمارەى تووشبوونى رۆژانەیە تۆماركرابێت.

بەگوێرەى ئەو راگەیەنراوەی كە لە لایەن دامەزراوەى تەندروستیى گشتییەوە بڵاوكراوەتەوە، لە دوایین ٢٤ كاتژمێردا بە تۆماركردنى ١٠ هەزار و ٤٨١ حاڵەتى نوێى تووشبوون بە ڤایرۆسەكە كۆى گشتى حاڵەتەكانى تووشبوون بۆ ٤١٥ هەزار و ٤٨١ حاڵەت بەرزبووتەوە.

هاوكات ٥٠ تووشبووى دیكەى ڤایرۆسەكە گیانیان لەدەستداوە و كۆى گشتیى گیانلەدەستان بۆ ٣١ هەزار و ٩٥ كەس بەرزبووەتەوە.

لە ماوەى هەفتەى رابردوودا چارەسەرى پزیشكیى سێ هەزار و ٢٢٣ تووشبوو لە نەخۆشەخانەكان بەردەوامە كە ٥٣٥ نەخۆشیان لە ژێر چاودێرى چڕدان