بڕیاری كۆتایی لەبارەی یاری نێوان هەردوو یانەی یوڤێنتوس و ناپۆلی له‌گه‌ڕی سێیه‌می خولی ئیتاڵیا درا


لیژنەی ڕێككاری لە یەكێتی تۆپی پێی ئیتاڵیا بڕیاری كۆتایی لەبارەی یاری نێوان هەردوو یانەی یوڤێنتوس و ناپۆلی ڕاگەیاند كە لەمیانی هەفتەی سێیەمی خولی ئیتاڵیا بوو و بەهۆی ئامادەنەبوونی یانەی ناپۆلی ئەنجامنەدرا

 بە بڕیاری یەكێتی تۆپی پێی ئیتاڵیا، یوڤێنتوس بە سێ‌ گۆڵی بێ‌ بەرامبەر بە براوە دانراو سێ‌ خاڵی بۆ هەژمار دەكرێت، لەبەرامبەریشدا، ناپۆلی خاڵێكی لێ كەمدەكرێتەوە، ئەویش وەك سزایەك بۆ ئامادەنەبوونی لە یاریەكە كە دەبوایە لە چواری ئەم مانگە ئەنجامبدرێت، بەڵام بەهۆی تووشبوونی چەند یاریزانێكی ناپۆلی بە ڤایرۆسی كۆرۆنا، بەرپرسانی شاری ناپۆلی ڕێگەیان نەدا شاندی یانەكە گەشت بەرەو تۆرینۆ بكات و بەو هۆیەوە یاریەكە نەكرا