جێگری به‌ڕێوه‌به‌ری گشتی هه‌واڵگری وه‌زاره‌تی پێشمه‌رگه به‌ڤایرۆسی كۆرۆنا گیانی له‌ده‌ستدا


ئه‌مرۆ یه‌كشه‌ممه‌ 25 ى 10 ى 2020 ،عه‌مید  خه‌سرۆ خالید یاسین جێگری به‌رێوه‌به‌ری گشتی هه‌واڵگری وه‌زاره‌تى پێشمه‌رگه‌ی هه‌رێمی كوردستان  به‌ڤایرۆسی كۆرۆنا گیانی له‌ده‌ستدا 

 له‌پرسه‌نامه‌یه‌كیشدا شۆرش ئیسماعیل وه‌زیری پێشمه‌رگه‌ی هه‌رێمی كوردستان  سه‌ره‌خۆشی له‌خانه‌واجه‌ی عه‌مید خه‌سرۆ خالید ده‌كات و رایگه‌یاندووه‌ كه‌ به‌داخ و په‌ژاره‌یه‌كی زۆره‌وه‌، هه‌واڵی كۆچی دوایی ( عه‌مید / خه‌سرۆخالید یاسین ) جێگری به‌ڕێوه‌به‌ری گشتیی هه‌واڵگری وه‌زاره‌تی پێشمه‌رگه‌مان پێگه‌یشت.

راشیگه‌یاندووه‌ كه‌ عه‌مید خه‌سرۆ، پێشمه‌رگه‌و فه‌رمانده‌یه‌كی ئازا و نه‌به‌ردی رێگای رزگارییخوازی گه‌له‌كه‌مان و دۆزی نه‌ته‌وه‌كه‌ی بوو، ته‌واوی ژیانی له‌پێناو كوردایه‌تی و نیشتمانپه‌روه‌ری ته‌رخانكردبوو.

شۆرش ئیسماعیل وه‌زیری پێشمه‌رگه‌ ده‌شڵێت له‌ئه‌ركی سه‌ربازی خۆیدا، ماندوو نه‌ناسانه‌ رۆڵێكی گرنگ و كاریگه‌ری له‌هه‌واڵگری وه‌زاره‌تی پێشمه‌رگه‌ هه‌بوو. ‌له‌ده‌ستدانیشی كۆستێكی گه‌وره‌ بوو.

له‌كۆتایدا رایگه‌یاندووه‌ كه‌ پرسه‌و سه‌ره‌خۆشی له‌ خۆمان و خانه‌واده‌ و هاوسه‌نگه‌رانی ده‌كه‌ین، له‌ خودا داواكارین به‌ به‌هه‌شتی شادبكات و سه‌بووری و ئارامیی به‌هه‌مووان ببه‌خشێت.

 

دارشتنه‌وه‌ى هه‌واڵ - شوان عه‌زیز