هۆكاره‌كانی ئازاری ده‌ست و په‌نجه‌كان و مه‌چه‌ك بزانه‌

ئازاری ده‌ست و مه‌چه‌ك به‌ بۆنه‌ی هه‌ر نه‌خۆشیه‌ك یان زه‌برو برینداریه‌وه‌ ڕوو ده‌دات له‌ ئێسقان، ماسولكه‌، ده‌مار، بۆری خوێنه‌كان، به‌سته‌ر، جومگه‌، پێستی ده‌ست و په‌نجه‌و مه‌چه‌ك و پێویسته‌ وێنه‌ی هه‌موو نه‌خۆشیه‌ك هۆكاره‌كانی ده‌ست نیشان بكرێت تا به‌ شێوازی زانستی و دروست چاره‌سه‌ر بكرێت.

 

گرنگترین هۆكاره‌كانی :

 

1. سه‌وه‌فانی جومگه‌كانی مه‌چه‌ك و ده‌ست : وێنه‌ی هه‌موو جومگه‌كانی له‌ش جومگه‌كانی مه‌چه‌ك و ده‌ست و په‌نجه‌كان كه‌م بوونه‌وه‌ی لینجی و داخورانی جومگه‌كان ڕوو ده‌دات.

 

2. نه‌خۆشی ڕۆماتیزمی جومگه‌كان.

 

3. كۆنیشانه‌ی كارپه‌ڵ ته‌ناڵ (Carpal tunnel syndrome) ؛ له‌ ئه‌نجامی بوونی فشار له‌ سه‌ر یه‌كێك له‌ ده‌ماره‌كانی ده‌ست.

 

4. نه‌خۆشی هه‌وكردنی دیكۆرڤیه‌ن (De Quervain's Tenosynovitis) : بوونی ئازار له‌ بنی په‌نجه‌ گه‌وره‌ی ده‌ست و مه‌چه‌ك.

 

5. بریندار بوون و زه‌بر به‌ركه‌وتن به‌ مه‌چه‌ك و ده‌ست و په‌نجه‌كان، هه‌روه‌ها بوونی شكاوی و درز له‌ ئێسقانه‌كان، له‌جێ چوونی جومگه‌كانی ده‌ست و په‌نجه‌كان و مه‌چه‌ك.

 

6. نه‌خۆشی شه‌كره‌.

 

7. نه‌خۆشی بۆری خوێنه‌كان : وه‌ك نه‌خۆشی ڕاینۆید.

 

8. نه‌خۆشی دێپوترین (Dupuytren's contracture ) : له‌ ئه‌نجامی ڕه‌قبوونی شانه‌ ناوپۆشه‌كانی ژێر پێستی ده‌ست.

 

9. ئازاری په‌نجه‌ی ( Stenosing tenosynovitis (trigger finger).

 

10. نه‌خۆشی ده‌رده‌ شاهانه‌و ده‌رده‌ شاهانه‌ی درۆزنه‌.

 

11. زۆر به‌كارهێنانی ده‌ست و په‌نجه‌كان؛ بۆ نموونه‌ له‌ ئه‌نجامی زۆر به‌كارهێنانی مۆبایل و لابتۆپ.

 

12. سستی ده‌ماره‌كانی ده‌ست به‌ هۆكاری جیاوازه‌وه‌.

 

13. نه‌رم بوونه‌وه‌ی ئێسقان و ئێسكه‌ نه‌رمه‌.

 

14. كه‌می هه‌ندێ ڤیتامین و كانزاكان : وه‌ك ڤیتامین دی، كالسیۆم، مه‌گنسیۆم.

 

15. هه‌ندێك نه‌خۆشی پێست : وه‌ك سه‌ده‌فی ، ئێكزیما.

 

 د. هه‌ڤین كه‌مال شاه‌– پسپۆڕ له‌ زانستی ئازارو به‌نج