Erbil 15°C پێنجشەممە 28 ئازار 11:39

شێخ شامۆ: کۆمه‌ڵێک گروپی چه‌کدار له‌ شه‌نگال په‌یدابوون که‌ ده‌یانه‌وێ دووبه‌ره‌کی له‌ناو ئێزیدییه‌کان دروستبکه‌ن

کوردستان TV
100%

راوێژكارى سه‌رۆكێ حكومه‌تا هه‌رێما كوردستانێ بۆ كارۆبارێن ئێزدیان دیاركر كو ل شنگال گه‌له‌ك گرۆپێن چه‌كدار په‌ێدابووینه‌ ل بن په‌ردێن ژێكجۆدا كار دكه‌ن مه‌ره‌ما ئه‌وه‌ دووبه‌ره‌كیى دناڤبه‌را ئێزدیان دروست بكه‌ن”.

شێخ شامۆ، راوێژكارى سه‌رۆكێ حكومه‌تا هه‌رێما كوردستانێ بۆ كارۆبارێن ئێزدیان بۆ(باسنیوز) دیاركر كو گرۆپێن چه‌كدار بۆ مه‌ره‌مێن خۆ وچێكرنا دووبه‌ركیى دناڤ ئێزدیان دا كار دكه‌ن ئه‌و گرۆپ هه‌موو بۆ ئێك ئارمانج كاردكه‌ن ئه‌وژى شنگال ژ كوردستانێ جۆدا بكه‌ن و ده‌ستى حكومه‌تا هه‌رێما كوردستانێ نه‌گه‌هته‌ شنگال هه‌تا ژى هه‌ولده‌ن شنگال ژ نه‌خشه‌یێ عێراقى ده‌ربێخن هه‌ر نوكه‌ وه‌سا هژماردكه‌ن كو نه‌ینه‌وا مه‌رجه‌عى شنگال نینه‌ ئیكسه‌ر گرێدایى ئه‌جنده‌كى ئه‌قلیمى یه‌ هه‌تا ژى به‌غدا ژى هنده‌ك جاران كارتیكرنا خۆ ل سه‌ر شنگال نینه‌ ئه‌ڤه‌ چه‌ندى كارتیكرنه‌كا خراب ل سه‌ر ره‌وشا شنگال كریه‌ لێ هه‌كه‌ هه‌موو خالێن رێكه‌فتنا هه‌ولێر و به‌غدا بجه بهێن دێ ژیان بۆ شنگال ڤه‌گه‌ریت دێ ره‌وشا وێ ته‌مامى چاره‌سه‌ربیت”. شێخ شامۆ، گۆت:” چوو جاران شنگال ژ كوردستانێ ناهێته‌ جۆداكرن، ل سه‌ر ده‌مێ رێككه‌فتنا 11 ئادارى وسه‌رده‌مى شوره‌شى به‌ده‌وام شنگال و كه‌ركوك جووت بووینه‌ ل سه‌ر ئاستى رێككه‌فتنا دگه‌ل به‌غدا چوو جاران هه‌رێما كوردستانێ ده‌ستان ژ شنگال به‌رناده‌ت”.

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.