په‌یامی سه‌ره‌خۆشی باره‌گای بارزانی بۆ خانه‌واده‌ی تاریق مه‌ولود

له‌ په‌یامێكدا باره‌گای بارزانی سه‌ره‌خۆشی له‌ خانه‌واده‌ى خوالێخۆشبوو تاریق مه‌ولود ده‌كات.

ده‌قی په‌یامه‌كه‌

به‌ناوی یه‌زدانی مه‌زن و دلۆڤان

خانه‌واده‌ی خوالێخۆشبوو تاریق مه‌ولود،

به‌داخێكی زۆره‌وه‌ هه‌واڵی كۆچی دوایی فه‌رمانده‌ی سه‌ربازی بوێر و كوردپه‌روه‌ر، پێشمه‌رگه‌ی هه‌ردوو شۆڕشی ئه‌یلوول و گوڵان(سه‌عدی مه‌ولود)ناسراو به‌(تاریق مه‌ولود)مان پێگه‌یشت.

كاك تاریق مه‌ولود و بنه‌ماڵه‌كه‌تان له‌ خه‌باتی نه‌ته‌وه‌یی و نیشتیمانیدا، دڵسۆز و به‌ ئه‌مه‌ك و بوێر بوونه‌، به‌م بۆنه‌ خه‌مناكه‌وه‌، پرسه‌ و سه‌ره‌خۆشی ئاراسته‌ی خانه‌واده‌ی به‌ڕێزتان و كه‌سوكار و دۆست و ئاشنایانتان ده‌كه‌ین و خۆمان به‌هاوبه‌شی خه‌می هه‌موو لایه‌كتان ده‌زانین.

له‌ خودای مه‌زن داواكارین ئۆقره‌یی و ئارامی به‌ هه‌موو لایه‌ك ببه‌خشێت و گیانی خوالێخۆشبوو كاكه‌ تاریق مه‌ولود به‌ر دلۆڤانی خۆی بخات و به‌ به‌هه‌شتی به‌رینی شاد بكات.

انا للە و انا الیە راجعون

باره‌گای بارزانی

29ـی11ـی2020