کەشناسی هەرێم وادەی بارانبارینی ئه‌مشه‌وی دیاریكرد

كەشناسی و بومەلەرزەزانی هەرێم بڵاویكرده‌وه‌، پێشبینى ده‌كرێ له‌ دواى نیوه‌ شه‌و ئاسمانى هه‌رێم بگۆڕێ بۆ هه‌ورى ته‌واو.

بەرێوەبەرایەتی گشتی کەشناسی و بومەلەرزەزانی هەرێمی کوردستان بڵاویكرده‌وه‌، پێشبینى ده‌كرێ له‌ دواى نیوه‌ شه‌و ئاسمانى هه‌رێم بگۆڕێ بۆ هه‌ورى ته‌واو پاشان نمه‌ باران له‌ ناوچه‌كانى باكور و ناوه‌ڕاستى هه‌رێم ده‌ست پێ بكات .

کەشناسی و بومەلەرزەزانی هەرێم ده‌ڵێت: له‌ ناوچه‌ شاخاویه‌كان ڕێژه‌ى باران بارینه‌كه‌ زیاتر ده‌بێت‌ له‌ كاته‌كانى به‌یانى كاریگه‌رى باران بارین زیاد ده‌كات زۆربه‌ى ناوچه‌كان ده‌گرێته‌وه، پله‌كانى گه‌رما كه‌مێك به‌رزده‌بنه‌وه‌‌ له‌گه‌ڵ بارینى به‌فر له‌ ناوچه‌ شاخاوییه‌ سنورییه‌كان.