هونەرمەندی شاری هه‌ولێر  "دارا حەمەدەمین"  كۆچی دوایكرد

 به‌شداری چه‌ندین كاری شانۆیی ودرامی كردوه‌

ئه‌مڕۆ یه‌ك شه‌مه‌ 7-2-2021 هونه‌رمه‌ندی بواری دراما و شانۆ "دارا حەمەدەمین"  به‌هۆی نه‌خۆشی كۆچی دوایكرد.
هونەرمەند "دارا حەمەدەمین"  به‌شداری چه‌ندین كاری شانۆیی ودرامی كردوه‌،ماوه‌یه‌ك بوو تووشی نه‌خۆشی بووئه‌مرۆ گیانی له‌ ده‌ست دا.
لقی هه‌ولێری سه‌ندیكاری هونه‌رمه‌ندانی كوردستان ، له‌ پرسه‌نامه‌یه‌كدا هاوخه‌می خۆی بۆ كۆچی دوای  هونەرمەند "دارا حەمەدەمین" راگه‌یاند ئه‌مه‌ ده‌قی پرسه‌نامه‌یه‌كه‌ :
بەناوی خودای مەزن و میهرەبان.
بە ناوی لقی هەولێری سەندیکای هونەرمەندانی کوردستان ، پرسەو ماتەمینیی خۆمان  بۆ کۆچی دواییکردنی هونەرمەند "دارا حەمەدەمین" دەردەبڕین ،  خودای گەورە ئارامیی بە خانەوادەکەیان و هەموو لایەک  ببەخشێت،
 ڕۆحی شادبێت. انا للە وانا الیە راجعون . هیوا سوعاد بەرپرسی لقی هەولێری - سەندیکای هونەرمەندانی کوردستان

به‌هه‌مان  بۆنه‌وه‌ بەرێوەبەرێوەبەرایەتی گشتی رۆشنبیری و ھونەری هه‌ولێر پرسه‌نامه‌یه‌كی ئاراسته‌ی خانه‌واده‌ی هونه‌رمه‌ند كردوه‌ ئه‌مه‌ ده‌قی پرسنامه‌یه‌كه‌یه‌:

بؤ خانەوادەی بەڕێزی ھونەرمەندی شانۆکار ( دارا حەمەدەمین ) هەواڵی کۆچی دوایی ھونەرمەند ( دارا حەمەدەمین) خەمباری کردین. بە ناوی بەرێوەبەرایەتی گشتی ڕۆشنبیری و ھونەری ھەولێر - ەوە ھاوخەمیی خۆمان دەردەبڕین و لە ڕێگەی ئێوەی بەڕێزیشەوە پرسە و سەرەخۆشی لە تەواوی خانەوادە بەڕێزەکەتان، خزمان، دۆستان و سەرجەم ھونەرمەندان و فەرمانبەرانی بەرێوەبەرایەتیەکەمان دەکەین. گیانی خوالێخۆشبوو ئارام، دواخەم و ناسۆر بێت .

بەرێوەبەرێوەبەرایەتی گشتی رۆشنبیری و ھونەر ٧ ی شوبات