سەرۆکی حکومەتی هەرێمی کوردستان سەرەخۆشی لە بنەماڵەی خوالێخۆشبوو حوسێن حەدۆ دەکات

سەرۆکی حکومەتی هەرێمی کوردستان، سەرەخۆشی لە حەسەن حەدۆ ده‌كات بۆ کۆچی دوایی خوالێخوشبوو حوسێن حەدۆی برای.

ئێوارەی ئەمڕۆ سێشەممە 2021/2/23 مەسرور بارزانی سەرۆکی حکومەتی هەرێمی کوردستان، لە پەیوەندییەکی تەلەفۆنیدا ، سەرەخۆشی لە حەسەن حەدۆ بەرپرسی لقی 26ی گوڵانی پارتی دیموکراتی کوردستان کرد بۆ کۆچی دوایی خوالێخوشبوو حوسێن حەدۆی برای.

سەرۆکی حکومەت، هاوخەمی خۆی بە بنەماڵەکەیان گەیاند و هیوای خواست، خوای مەزن گیانی بە بەهەشت شاد بکات و ئارامییش بە کەسوکار و خانەوادەکەیان ببەخشێت.