Erbil 15°C سێشەممە 19 ئازار 05:17

ژه‌نه‌ڕاڵێکی ئه‌مریکی هۆشداری له‌شه‌ڕی ناوخۆیی له‌ نێوان شیعه‌کانی عێراق ده‌دات

کوردستان TV
100%

ژه‌نه‌راڵێكی ئه‌مریكی هۆشداری ده‌دات كه‌ له‌ ئاكامی كرده‌وه‌كانی میلیشیا عێراقییه‌كانی وابه‌سته‌ی ئێران ، ببێته‌ هۆی رووخانی عێراق.

ژه‌نه‌راڵ پۆڵ كالڤێرت،فه‌رمانده‌ی هێزه‌كانی ئه‌مریكا له‌عێراق و سووریا كه‌ باره‌گاكه‌ی له‌نێو به‌غدای پایته‌خته‌ له‌لێدوانێكیدا به‌ پێگه‌ی دیڤنس وان –ی راگه‌یاندووه‌: له‌ئێستادا دوو هه‌ڕه‌شه‌ی گه‌وره‌ له‌سه‌رعێراقدا هه‌ن، یه‌كه‌میان بوونی هێزه‌كانی حه‌شدی شه‌عبییه‌، دووه‌میشیان ئابوورییه‌ ، ئه‌م دوو هۆكاره‌ش به‌بێ چاودێریكردن، هه‌موو ده‌ستكه‌وته‌كان له‌نێو ده‌به‌ن.

هه‌روه‌ها كالڤێرت روونیكردۆته‌وه‌ كه‌ كێشه‌ی هه‌ره‌ گه‌وره‌ی حكومه‌تی عێراق ئه‌وه‌یه‌ كه‌ توانایه‌كی كه‌می به‌سه‌ر هه‌ژموونی ئه‌و میلیشیانه‌دا هه‌یه‌.

هه‌روه‌ها گوتیشی: نیگه‌رانییه‌كی زۆر هه‌یه‌ له‌و ئه‌گه‌رانه‌ی كه‌ باس له‌ هه‌ڵگیرسانی شه‌ڕی ناوخۆیی شیعی له‌نێوان شیعه‌ هاوپه‌یمانه‌كانی ئێران و شیعه‌كانی عێراقدا ده‌كه‌ن.

وه‌رگێڕان و داڕشتنه‌وه‌ی / رزگار

ژێده‌ر / حوڕه‌

 

عێراق

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.