كتێبی"كاكه‌یی-ئه‌هلی هه‌ق و شه‌به‌ك" بڵاوكرایه‌وه‌

له‌نووسینی زانا و مێژوونووس (پرۆفیسۆر دكتۆر زرار صدیق تۆفیق)

له‌نووسینی زانا و مێژوونووس (پرۆفیسۆر دكتۆرزرار صدیق تۆفیق)، كتێبی "كاكه‌یی-ئه‌هلی هه‌ق و شه‌به‌ك"   كه‌ مامۆستایه‌ له‌به‌شی مێژووی كولێژی زانسته‌ مرۆڤایه‌تییه‌كانی زانكۆی دهۆك، بڵاو كرایه‌وه‌.


ئه‌م كتێبه‌ دوو لێكۆڵینه‌وه‌ له‌ خۆ ده‌گرێت ، یه‌كه‌میان لێكۆڵینه‌وه‌یه‌كی مێژووییه‌ ده‌رباره‌ی كوردی كاكه‌یی- ئه‌هلی حه‌ق كه‌ جیاوازه‌ له‌و نووسینه‌  زۆر و زه‌بندانه‌ی پێشتر له‌ باره‌یانه‌وه‌ بڵاو كراونه‌ته‌وه‌، به‌و پێییه‌ی سه‌رچاوه‌ی نوێ به‌كارهێنراوه‌ و لێكدانه‌وه‌ی ته‌واو نوێ بۆ ناسنامه‌ی كه‌سایه‌تیه‌ سه‌ره‌كیه‌كانی كراوه‌ و خوێندنه‌وه‌یه‌كی ره‌خنه‌گرانه‌ش بۆ ده‌ق و سه‌رچاوه‌كانیان ئه‌نجامداره‌وه‌.


لێكۆڵنه‌وه‌ی دوومیش ده‌رباره‌ی كوردی شه‌به‌ك – شه‌ئبه‌كه‌  لێره‌شدا سه‌رچاوه‌گه‌لێك به‌ كارهێنراوه‌  و چه‌رده‌یه‌ك زانیاری و روونكردنه‌وه‌ی  نوێ و بۆچوونی لێكدانه‌وه‌ی تایبه‌تی نوسه‌ر خراونه‌ته‌ روو.