له‌ هه‌ولێر پیشانگایه‌كی شێوه‌كاری و فۆتۆگرافی ده‌كرێته‌وه‌

ئه‌مڕۆ یه‌كشه‌ممه‌، پایته‌خت گه‌وره‌ترین نمایشی شێوه‌كاری بۆ پۆلێك هونه‌رمه‌ندی به‌ ئه‌زموونی شێوه‌كار و فۆتۆگرافه‌ری كورد ساز ده‌كات، له‌ «گالێری جیهان» و كاتژمێر چواری ئێواره‌ش پێشانگاكه‌ ده‌كرێته‌وه‌، كه‌ له‌لایه‌ن هونه‌رمه‌ندی به‌ توانا «ئه‌حمه‌د نه‌به‌ز»ه‌وه‌ ڕێكخراوه‌ له‌ ژێر ناوی «په‌ڕینه‌وه»‌، تا 30-4 به‌رده‌وام ده‌بێت.

هونه‌رمه‌نده‌كانیش بریتین له‌: (ئه‌حمه‌د نه‌به‌ز، به‌هرام حاجۆ، جه‌مال پێنجوێنی، ساكار سلێمان، سیروان باران، عوسمان ئه‌حمه‌د، قه‌ره‌نی جه‌میل، شوكر سه‌عید، خه‌دیجه‌ به‌كر).