هونه‌رمه‌ند و شانۆگه‌ری ناوداری كورد ئه‌رۆڵ ده‌میرئۆز كۆچی دوایی كرد

له‌ شاری ئیسته‌نبۆڵ به‌هۆی نه‌خۆشییه‌وه‌


هونه‌رمه‌ند و شانۆكاری ناوداری كورد ئه‌رۆڵ ده‌میرئۆز به‌ هۆی نه‌خۆشییه‌وه‌ ئه‌مڕۆ له‌ نه‌خۆشخانه‌یه‌كی شاری ئیسته‌نبۆڵ كۆچی دوایی كرد.
ئه‌رۆڵ ده‌میرئۆز كه‌ ساڵی 1940 له‌ شاری دیاربه‌كری باكووری كوردستان له‌دایك بووه‌، ده‌رچووی به‌شی كارگێرٍی و دارایی زانكۆی ئه‌نقه‌ره‌یه‌ و له‌ ساڵی 1961وه‌ ده‌ستی به‌ كاری شانۆگه‌ری و سینه‌ما كردووه‌.
له‌ ماوه‌ی 60 ساڵی رابردوودا سه‌ره‌ڕای ئه‌وه‌ی به‌شداری له‌ چه‌ندین فیلمی سینه‌مایی به‌ تایبه‌تی فیلمه‌كانی ده‌رهێنه‌ر مه‌حسوون قرمێزی گول كردووه‌، هاوكات له‌ چه‌ندین شانگۆگه‌ریشدا رۆلی هه‌بووه‌ و خاوه‌ن چه‌ندین به‌رهه‌می جۆراوجۆری هۆنه‌رییه‌.
ئه‌رده‌لان گۆران