له‌ دوو ناوچه‌ی كوردستانی توركيا لافاو زه‌ره‌ری گه‌وره‌ی گه‌یانده‌ خه‌ڵك

له‌ گونده‌كانی وان و گه‌ڤه‌ر خانوو رووخاون و ئاژه‌ڵ له‌ ناو چوونه‌

به‌ هۆی شه‌پۆلێكی باران بارینی به‌خۆر له‌ چه‌ند ناوچه‌یه‌كی باكووری كوردستان، لافاوی گه‌وره‌ دروست بوونه‌.

له‌ ناوچه‌ی باشقاله‌ی سه‌ربه‌ شاری وان و له‌ شاری گه‌ڤه‌ری سه‌ربه‌ جووله‌مێرگ لافاوی گه‌وره‌ هه‌ڵساون و به‌ هۆی ئه‌و لافاوانه‌وه‌ له‌ باشقه‌له‌ی سه‌ربه‌ شاری وان به‌لانی كه‌مه‌وه‌ 6 خانوو به‌ ته‌مامی رووخاون و وێران بوونه‌.

هه‌روه‌ها زه‌ره‌ر و زیانی زۆر گه‌وره‌ به‌ ئۆتۆمبێلی خه‌ڵك كه‌وتووه‌ و زیاتر له‌ 20 سه‌ر ئاژه‌ڵ ( په‌ز، بزن و مانگا) له‌ ناو چوونه‌.

هه‌روه‌ها له‌ ناوچه‌ی گه‌ڤه‌ریش به‌ هه‌مان شێوه‌ به‌ هۆی لافاوه‌كه‌وه‌ زیاتر له‌ 500 سه‌ر ئاژه‌ڵی دانیشتوانی ناوچه‌كه‌ له‌ ناو چوونه‌.

11

ئه‌رده‌لان گۆران