ئێران هەناردەكردنى كارەبای بۆ عێراق راگرت

وتەبێژى دامەزراوەى وەبەرهێنانى كارەباى ئێران رایگەیاند: هەناردەكردنى كارەبایان بۆ عێراق هەڵپەساردووە و لەم هەفتەیەشدا تەنها 13 مێگاوات كارەبایان بۆ ئەفغانستان ناردووە.

ئه‌مرۆ دووشه‌ممه‌ مستەفا رەجەبی مەشهەدی، وتەبێژی دامەزراوەی وەبەرهێنانی كارەبای ئێران، لە لێدوانێكیدا بۆ تەلەفزیۆنی فەرمیی ئێران، رایگەیاند: بەهۆی بەرزبوونەوەی پلەكانی گەرما لە وەرزی هاویندا و كێشەكانی دابینكردنی كارەبا، هەناردەكردنی كارەبایان بۆ عێراق راگرتووە.

مەشهەدى، گوتیشی: كە سەرەڕاى ئەوەى گرێبەستى دابینكردنى (100) مێگاوات كارەبایان لەگەڵ ئەفغانستاندا هەیە، بەڵام ئەو بڕەیان بۆ (13) مێگاوات كەمكردووەتەوە.