وەزارەتی کارەبا پرۆژەی سکادا جێبەجێ دەکات

وەزارەتی کارەبای حکوومەتی هەرێمی کوردستان ڕایدەگەیەنێت، كه‌ کەمال محمد ساڵح ،وەزیری کارەبا گرێبەستێکی بۆ جێبەجێکردنی پرۆژەی سکادا لەگەڵ هەردوو کۆمپانیای ستێر و کۆنترۆڵ ماتیک واژۆ کرد.

لە بڵاوکراوەکەدا هاتووە، پرۆژەکە بە تێچوونی سی و حەوت ملیۆن و نۆسەد و هەشتا و دوو هەزار دۆلار لە ماوەی 900 رۆژدا جێبەجێ دەکرێت.

ڕوونیشیکردەوە، پرۆژەی سکادا پڕۆژەیەکە بۆ بەڕێوەبردن و کارپێکردنی سیستەمی کارەبای هەرێم و کۆنترۆڵکردنی وێستگەکانی بەرهەمهێنان، گواستنەوە و دابەشکردنی کارەبا بەکاردێت.

شایەنی باسە، وەزارەتی کارەبا پێداگیریی لەسەر گرنگیی ئەم پرۆژەیە بۆ باشتر بەڕێوەبردنی کارەبای هەرێم دەکات، کە رۆڵێکی گرنگی لە پێشخستن و کۆنترۆڵکردنی سیستەمی کارەبای هەرێم هەیە، بڕیارە پرۆژەکە بە کواڵیتییەکی باش لە ماوەی دیاریکراودا تەواو بکرێت.