Erbil 15°C سێشەممە 19 ئازار 07:10

یۆنان پارچه‌کانی سیسته‌می مووشه‌کیی پاتریۆتی بۆ سعوودیه‌ ره‌وانه‌ کرد

کوردستان TV
100%

تیمێكی سوپای یۆنان به‌مه‌به‌ستی ره‌وانه‌كردنی پارچه‌كانی سیسته‌می مووشه‌كیی ئاسمانیی پاتریۆت بۆ سعوودیه، به‌ڕێكه‌وتوون.

سه‌رۆكایه‌تی ئه‌ركانی سوپای یۆنان رایگه‌یاند كه‌ هه‌ریه‌ك له‌ وه‌زیری به‌رگریی یۆنان، نیكۆس پانایۆتۆپۆولۆس و جێگری وه‌زیری به‌رگریی یۆنان، نیكۆس هاردالیاس و سه‌رۆكی ئه‌ركانی سوپای یۆنان، كۆنستاندینۆس فلۆریس به‌شدارییان له‌و رێوڕه‌سمه‌دا كردووه‌ كه‌ به‌مه‌به‌ستی ره‌وانه‌كردنی پارچه‌كانی سیسته‌می مووشه‌كیی پاتریۆتی بۆ سعوودیه رێك خرابوو.

سه‌رۆكی ئه‌ركانی سوپای یۆنان، كۆنستاندینۆس فلۆریس له‌ میانی رێوڕه‌سمه‌كه‌دا، مانۆڕه‌ هاوبه‌شه‌ سه‌ربازییه‌كانی نێوان یۆنان و سعوودیه‌ی بیر خسته‌وه‌ و ئاماژه‌ی به‌وه‌ دا كه‌ هه‌ماهه‌نگی سه‌ربازیی نێوان هه‌ردوو وڵات رۆڵی هه‌یه‌ له‌ پاراستنی ئاسایش و سه‌قامگیریی له‌ رۆژهه‌ڵاتی ناوه‌ڕاست و رۆژهه‌ڵاتی ده‌ریای ناوه‌ڕاست.

نوێنه‌رانی دیپلۆماتی سعوودیه‌، كوێت و ئه‌مریكا كه‌ له‌ ئه‌سینا ئه‌ركدارن ،به‌شدارییان له‌ رێوڕه‌سمه‌كه‌دا كرد.

رۆژهه‌ڵاتی ناوه‌راست

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.