پارێزگارێ دهۆكێ پێشوازیا بالیۆزێ عیراقا فیدرال ل ئسپانیا كر


ئه‌ڤرو پشتى نیڤرو   9/18/ 2021 ل كوچكا مێهڤانداریا  د.على ته‌ته‌ر  پارێزگارێ دهوكێ  پێشوازیا به‌رێز(عادل مسته‌فا كامل الكردى) بالیوزێ عیراقا فیدرال ل ئسپانیا كر.
دهه‌ڤدێتنه‌كێدا ب ئاماده‌بوونا سه‌رمایده‌دار عبدالرحمن دوسكى به‌حسێ په‌یوه‌ندیێن عیراقێ وهه‌رێما كوردستانێ دگه‌ل وه‌لاتێ ئسپانیا دبیاڤێ بازرگانى وچاندنێ وپیشه‌سازى وگه‌شتیارى وكلتورى و زانستى دا ب گشتى هاته‌ كرن.
دته‌وه‌ره‌كێ دن دا به‌حسێ گرێدانا كونفرانسه‌كێ ئابورى وبازرگانى دناڤبه‌ر كومپانى وبازرگان وسه‌رمایدارێن كوردستانێ وعیراقێ ویێن وه‌لاتێ ئسپانیا كو بریاره‌ ل دوماهیا ئه‌ڤ ساڵه‌  ل مه‌دریدا پایته‌خت ل وه‌لاتێ ئسپانیا  بهێته‌ ئه‌نجامدان هاته‌ كرن ، هه‌روه‌سا به‌حسێ  هه‌ولدانێن دهێنه‌ كرن  ژبو چێكرنا رێكه‌فتنه‌كێ كو (دهۆك ومه‌درید) ببنه‌ ده‌سته‌خویشك  كو هه‌ردوو لایه‌ن مفاى ژسه‌ربورا هه‌ڤدوو ببین دهه‌موو واره‌كیدا ب تایبه‌تى بیاڤێ ئابورى وبازرگانى وزانستى وگه‌شتیارى.
پارێزگارێ دهۆكێ خوشحالیا خو  ب هاتنا شاندى وپێشنیارا ئه‌نجامدانا گونگرێ ئابورى وبازرگانى ل ئسپانیا دیاركر هه‌روه‌سا خوشحالیا خو ل دور هه‌ولدانێن دهێنه‌ كرن كو دهۆك ومه‌درید ببنه‌ ده‌سته‌ خویشك نیشاندا وپشته‌ڤانیا پارێزگه‌هێ دیاركر بو هه‌ر هاریكارى  وئاسانكاریه‌كێ بو وێ یه‌كێ  ئه‌نجامێن ئه‌رنى ژهه‌ردوو پێشنیارا بهێنه‌ دیتن.