بۆ پالپشتیا بروژێ کەمپینا پاراستنا ئاڤێ ل پارێزگەهێن دهوك نەینەوا وروك شوپەك هاتە پێشکێشکرن


ئەڤرو روژا چارشەمبی ل رێکەفتی ٢٠٢١/٩/٢٢  ب ئامادەبونا " ماجد سەید سالح " جێگرێ پارێزگارێ دهوکێ بو کاروبارێن تەکنیکی ب وەکالەت و ب بەرهەڤبونا چەند سازیێن حکومی و نە حکومی ل هولا  ئوتێل پەروەر
ورك شوپەك ژلایێ رێکخراوا giz یا ئەلمانی ب هەفکاری دگەل رێکخراوا هاریکار ب پشتەڤانیا دارایی یا وەزارەتا دەرڤەیا فرەنسا هەروەسان ب هەماهەنگیا رێڤەبەریێن ئاڤا دهوك و دەوروبەران لدور  خراب بکارئینانا ئاڤێ و پالپشتیا بروژێ کەمپینا پاراستنا ئاڤێ ل پارێزگەهێن دهوك نەینەوا هاتە پێشکێشکرن
جێگرێ پارێزگاری د گوتارەكێ دا  باس ل چەندین خالێن گرنگ کر وەکو:
رەوشا گەهاندنا ئاڤێ و ژێدەرێن وێ ل پارێزگەهێن دهوك نەەینەوا و سامانێن ئاڤێ و رێیێن گەهاندنێ یێن سەرەکی ل دەڤەرێ هەرەسان رێگریکرن ل شێوەیێن بـهەروەدان و زێدە مەزاختنا  ئاڤێ دناڤ جفاکیدا و هوشیاریا وەلاتیان ب رێیا سەرجەم سازیێن پەیوەندیدار 
پاش ئاماژەدا وێ یەکێ کو لسەر ئاستێ ئەنجومەنێ وەزیران و ئیدارا پارێزگەها دهوکێ بوردەك هاتیە پێكئینان بو سەرەدەریکرنا لگەل مەترسیا کێمیا ئاڤێ و چاوانیا هوشیاکرنا وەلاتیان هەروەسان بوڤێ یەکێ ژی لیژنێن جوراو جور دێ دوڤچونا سەخبێریا  بەنداڤا و بیرێن ئاڤێ و ژێدەرێن وێ کەن 
جێگرێ پارێزگاری گوت ژی ئەم دێ پەنایێ بەینە بەر یاسایا سەرەدەریکرنا لگەل زێدە مەزاختنا  ئاڤێ بو کێمکرنا هەمی ئاریشێن ژوی سەدەمی روو ددەن و حکومەتا هەرێما کوردستانێ چەندین پلانێن گرنگ و ستراتیژی دارێژتینە 
ل دوماهیێ ژی داخواز ژ سەرجەم وەلاتیان کر بابەتێ کێمبونا ئاڤێ بەرچاف وەربگرن و ب زێدەهی نە مەزێخن 
پاش دان و ستاندن ب تێرو تەسەلی هاتنە کرن ژلایێ بەشدابویانڤە و ب تایبەت بەحسا خالێن گرنگ یێن روب روبونا مەترسیا کێمبونا ئاڤێ هاتە کرن و هەردو رێکخراوێن ناڤهاتی چەندین پلانێن باش خستنە بەرچاڤ.