ئەڵمانیا له‌ پاڵپشتیکردن و هاوکاریکردنی هێزەکانی پێشمەرگە به‌رده‌وام ده‌بێت

شاندێکی وەزارەتی بەرگری ئەڵمانیا سەردانی بەڕێوەبەرایەتی چاکسازییان لە وەزارەتی پێشمەرگە کرد و جەختییان لە پاڵپشتی و هاوکاریکردنی زیاتری هێزەکانی پێشمەرگە کردەوە،هه‌روه‌ها بەڵێنیاندا بە زیاترکردنی ژمارەی راوێژکار و زیادکردن و درێژکردنەوەی ماوەی مانەوەیان لە هەرێمی کوردستان.

ئەمڕۆ پێنجشەممە ڕێککەوتی 23ـی ئەیلولی 2021، شاندێکی وەزارەتی بەرگری ئەڵمانیا بە سەرۆکایەتی کۆڵۆنێڵ شمیتز، بە یاوەری راوێژکارانی سەربازی هێزەکانی ئەڵمانیا لە وەزارەتی پێشمەرگە لە هەرێمی کوردستان، سەردانی بەڕێوەبەرایەتی چاکسازییان کرد.

لەکۆبوونەوەیەکدا، بە وردی گفتوگۆکرا، لەبارەی چۆنیەتی بەهێزترکردنی کاری ڕاوێژکاری سەربازی وڵاتی ئەڵمانیا بۆ بەرەوپێشبردنی پڕۆسەی چاکسازی هێزەکانی پێشمەرگە.

لە میانی کۆبوونەوەکەدا، شاندەکە بەڵێنیان دا بەپاڵپشتی کردن و هاوکاری کردنی زیاتری هێزەکانی پێشمەرگە، بە زیاترکردنی ژمارەی راوێژکار و زیادکردن و درێژکردنەوەی ماوەی مانەوەیان لە هەرێمی کوردستان.

22