ئاریێن رۆبن بەیەکجاریی وازی لە یاریی نێودەوڵەتی هێنا

دوای ئەوەی هەڵبژاردەی هۆڵەندا نەگەیشتە مۆندیالی 2018، رۆبنی ته‌مه‌ن 33 ساڵان بەفەرمی وازهێنانی لە یاریی نێودەوڵەتی راگەیاند، کە لە یاریی بەرامبەر سوێد رۆبن دوانەی تۆمارکرد و لە دوایین یاریی خۆی بە درێسی هەڵبژاردەی هۆڵەندا دوانەی کرد.

رۆبن کە لەوەتەی 2003 بۆ ماوەی 14 ساڵ درێسی هەڵبژاردەکەی دەپۆشی، لە 96 یاریی 37 گۆڵی بۆ هۆڵەندا کرد و رۆبن لەگەڵ هەڵبژاردەکەی گەیشتنە فایناڵی مۆندیالی 2010، بەڵام نەیانتوانی ببنە پاڵەوان و بە ئیسپانیا دۆڕان.

رۆبن دوای یارییەکەی هەڵبژاردەکەی گوتی '14 ساڵی زۆر خۆشم لەگەڵ هۆڵەندا بەڕێکرد، فایناڵی مۆندیالی 2010 و پێشکۆتایی مۆندیالی 2014 خۆشترین ساتەکانم بوون لەگەڵ هۆڵەندا، لە هەردوو جار لەگەڵ شنایدەر، ڤان پێرسی و ڤان دێرڤارت ئاستێکی بەرزمان پێشکەشکرد'.

كوردستان تیڤی/ رفعت مزورى