Îro, roja Înê, 30ê Çiriya Pêşîn a 2026an, Sepaya Pasdarên Îranê di daxuyaniyekê de ragihand: keştiyekî mezin ê petrolhilgir piştî ku di rêgehekî qedexekirî re li Tengava Hurmuzê derbas bû, teqiya; her wiha piştrast kir ku ev bûyera sêyemîn a vî rengî ye ku îro di vê rêgeha avî de hatiye tomarkirin.
Berê jî medyayên Îranê amaje bi wê kiribûn ku ji aliyê deryayê ve, li nêzîkî herêma "Sîrîk" û "Girava Qeşmê", dengê çend teqînan hatiye bihîstin.
Ji aliyekî din ve, Ajansa Nûçeyan a "Fars" belav kir ku dibe dengê wan teqînan ku li nêzîkî Sîrîk û Girava Qeşmê hatine bihîstin, ji ber gulebarana hişyariyê ya hêzên deryayî li ser wan keştiyan bûbe ku li Tengava Hurmuzê rêbernameyên wan binpê kirine.
