Nêçîrvan Barzanî û Cevad Zerîf behsa rewşa deverê kirin

vê têkiliyên abûrî ya navbera her du aliyan baştir bibin

Îro li Hewlêrê Serokwezîrê Kurdistanê Nêçîrvan Barzanî pêşwaziya wezîrê derve yê Îranê Mihemed Cevad Zerîf û şandeke pê re kir.

Di civînê de, têkeliyên navbera Herêma Kurdistan, Îraq û Îranê û giringiya berdewamiya wan têkeliyan û hevahengî û hevkariya navbera Îraq û Herêma Kurdistanê digel Îranê ji bona rûbirûbûn û biyekcarî nehêlana terorê, hatin gotûbêj kirin û her du alî hev hizir bûn ku hêşta metirsiya terorê heye û ji bona nehêlana wê divê hemû alî bi hev re hevkar û hevaheng bin,

Nêçîrvan Barzanî sipasiya Îranê kir ku di dema şerê dijî DIŞIê da hevkariya Herêma Kurdistanê kir û tekîd li ser giringiya hevkarî û hevahengiya welatên herêmî ji bona rûbirûbûna terorê û nehêlana wê, kir.

Cewad Zerîf piştevaniya welatê xwe ji bo pêşveçûna têkeliyên Hewlêr û Bexdayê nîşan da û hêvî xwest ku hemû pirsgirkêna xwe bi diyalogê çareser bikin.

Çewaniya geşkirina têkeliyên di warê aborî, bazirganî, kultûrî, çandinî, zanistî û di warên din da û nirxandina rewşa herêmî bi giştî, çend mijarên din yên civînê bûn.