Amerîka 1500 Leşkerên din dişîne Rojhilata Navîn

niha zêdetir ji 70 hezar leşkerên Amerîkî li deverê ne

Serokê Amerîka Donald Trump diyar kir ku wan biryar daye ku hezar û 500 leşkerên din bişînin Rojhilata Navîn.

Trump berî ber bi Japonya ve here ji rojnamevanan re da zanîn ku hêza nû dê bi piranî karbidest û leşkerên Amerîkî yên li Rojhilata Navîn biparêzin.

Ajansên navneteweyî roja Pêncşemê ragihandibûn ku Pentagon û Qesira Sipî ser 10,000 leşkerên nû bo Rojhilata Navîn difikirin.

Li ser wan nûçeyan Trump gotibû ku ti planeke wisa tune û dîyar kiribû ku ew nûçe derew in.