Pompeo: Em piştgiriya Siûdiyê dikin

Amerîka dibêje emê pişta Siûdiyeyê ber nedin

Wezîrê Derve yê Amerîkayê, Mike Pompeo ji bo nirxandina pêngavên piştî êrîşên ser saziyên petrolê yên kompaniya Aramco ya Siûdiyê serdana wî welatî kiriye û li gel Cînişînê Şahê Siûdiyê, şahzade Mihemmed Bin Selmanciviya. Mike Pompeo ragihand, ji bo ku Siûdiyê berevaniyê li mafên xwe bike, Amerîka piştgiriya wî welatî dike.

Mike Pompeo ragihand ku Waşington di pirsa mafê xweparastinê de, piştgiriya Siûdiyê dike û diyar kir, ew li hemberî liv û tevgerên Îranê bêdeng namînin û reftarên Îranê nayên qebûlkirin.

Pompeo, ev axavtin di dema civîna li gel Cînişînê Şahê Siûdiyê, Mihemmed Bin Selman de kir. Herdu alî şeva derbasbûyî li Koşka Selam li bajarê Cedde yê Erebistana Siûdiyê civiyan û gotûbêj li ser çend mijaran kirin.