HSD: Girê Spî û Serê Kanî di destê me dene

HSD dibêje me gelek çete û leşker li wan deveran kuştine

Piştî ku artêşa Tirkiye û cîhadiyên çete belav kirin ku Girê Spî û Serê Kanî dagîr kirine, riwangeha mafên mirovan ya Sûriyeyê belav kir ku HSD li wan her du bajar û deveran derbên gelek dijwar li Tirkiye û cîhadiyan dane û ev dever bi temamî kontrol kirine.

Pişt re jî HSDê daxuyaniyek weşand û ragihand ku hem Girê Sipî û hem jî Serê Kanî di destê HSDê dene û li devera Silûk ya Girê Spî derbên gelek dijwar li dagîrkeran hatine dayîn û leşê kuştiyên wan jî di destê şervanên me dene.