Amerîka ceza danî ser du kompaniyên Tirkî

dibêje hevkariya DIŞIê kirine

Wezareta xezîne ya Amerîkayê biryar daye daku hin kompanî û kesayetiyên ji welatên curbicur yên ku hevkariya DIŞIê kirine ceza bike.

Li gor daxuyaniya wezareta xezîne ya Amerîkayê li Tirkiyeyê jî du kompanî û du kes di warê darayî û bazirganî de hevkariya DIŞIê kirine.

Wezaretê eşkere kiriye ku kompaniya Sultan bo veguhastina pere û kompaniya ACL ya bo henarde kirin û hawirde kirinê, jiber hevkariyên ku pêşkêşî DIŞIê kirine têne cezakirin.

Ev her du komanî tirkî ne û li gel wan jî du kesên din ku welatiyên Tirkiyeyê ne ji aliyê Amerîkayê ve bi hinceta hevkarî kirina DIŞIê hatine cezakirin.