Mesrûr Barzanî: Bi rêzdarî şehîd û qurbaniyên Enfalê bibîr tînin

dibêje lazime hikûmeta fedralî kesûkarên qurbaniyan qerebû bike.

Serokwezîrê Kurdistanê di 33 saliya prosesa enfalê de peyamek belav kir.

Di bîranîna 33 saliya prosesa reş ya Enfalê de Serokwezîrê Kurdistanê Mesrûr Barzanî peyamek belav kiriye û têde behsa vê yekê dike ku armanca prosesa enfalê ji nav birina gelê Kurdistanê bû. Ev naveroka peyama Serokwezîr Mesrûr Barzaniye:

Îro 33 sal bi ser prosesa reş ya enfalê re derbas dibe, ku rejîma têkçûyê ya Besê, bi armanca genocide kirina gelê Kurdistanê bi 8 qonaxan bi hezaran hemniştimaniyên bêtewanwenda kir û bi zindî çal kirin. Bi hezaran gund û bajarok û bi hezaran mizgeft û dibistan û bi dehan dêr ên Kurdistanê wêran kirin. Rez û bax û zeviyên cotyaran şewitand û kaniyên avê teqandin û bingehên jiyanê jinavbirin. Di vê bîranîna tejî ji êş de, bi rêzdarî ve şehîd û qurbaniyên wê komkujiyê em bibîrtînin.’’

Hikûmeta herêma Kurdistanê di demekê de ku daxwaza qerebû kirina madî û menewî ya kesûkarên qurbaniyan û xelkê ku ziyan dîtiye ji ber wê prosesa hovane ji hikûmeta federal a Iraqê dike, heman demê de kar dike bo ku xizmetekî zêdetir ji kesûkarên enfalbûyan re bike û jiyaneke bi şiko bo wan ava bike.’’

Hêvîdarim ew bîranînê em bikin palder bo bihêz kirina yekrêziya niştimanî û kûrkirina giyana tebayî û biratî û pêkvejiyana aştiyane di navbera hemû gelên navçeyê de.

Silav li canê paqij ê şehîdan û qurbaniyên enfalê, ku em bibîrtînin û bîranînên wan hertim di dilê me de zindî bin.

N: E. G