Wezîra derve ya Beljîkayê telefûna Serokwezîr kir

behsa çend mijaran hate kirin.

Di peywendiya telefûnî de behsa çend mijaran kirin.

Îşev Cîgira Serokwezîr û wezîrê derve yê Beljîkayê Sophie Wilmes telefûna Serokwezîrê Kurdistanê Mesrûr Barzanî kir û pişt re jî Serokwezîr derbarê naveroka peywendiya han de li ser hesabê xwe wisa nivîsand;

Îro duşem 10 Gulana 2021an Cîgira Serokwezîr û wezîra derve ya Beljîkayê Sophie Wilmes telefûna me kir.

Di peywendiya han ya telefûnî de Cîgira Serokwezr û wezîra derve ya Beljîkayê sersaxiyên xwe jiber şehîd bûna hijmareke pêşmergeyan di encama êrîşa terorîstên DIŞIê de gehande me.

Me jî spasiya hevxemiya û helwesta hikûmeta Beljîkayê kir ku ev êrîşên vê dawiyê bo ser Hewlêrê mehkûm kiribû.

Di berdewamiya peywendiya han ya telefûnî de me derbarê kêşe û arîşeyên ewlekarî yên li herêma Kurdistanê, Îraq û deverê de giftûgo kir û her du alî li ser girîngiya berdewam bûna têkilî û hemahengiya heyî bo babetên ku bo her du aliyan girîngin, hem fikir bûn.

Di beşeke din ya peywendiya han de, rêkarên rûbirû bûna Koronayê û prosesa vaksîne kirinê hatin nirxandin û me daxwaz ji Cîgira Serokwezîrê Beljîkayê kir daku bi rêya Yekîtiya Ewrûpayê hevkariya penaber û awareyên nîştecîh yên li herêma Kurdistanê de bikin bi taybetî ku karînên herêma Kurdistanê di vê warî de sînordanin.

N: E: G