وۆل ستریت جۆرناڵ: به‌ده‌ست ژماردنه‌وه‌ی ده‌نگه‌كان گۆڕانكاری ئه‌تۆ له‌ ئه‌نجامه‌كانی هه‌ڵبژاردن دروست ناكات

ئەمە وا دەكات هاووڵاتیانی عێراق لە داهاتوودا كەمترین متمانە بەهەڵبژاردنەكان بكەن

دوێنی پێنجشه‌مه‌ 21-6-2018 دادگای فيدراڵی عێراق له‌باره‌ی بڕیارێك بڕیاری ده‌ركرد به‌ هه‌ڵوه‌شاندنه‌وه‌ی ماد‌ده‌ی سێی په‌رله‌مان‌ كه‌ باس له‌ هه‌ڵوه‌شاندنه‌وه‌ی ده‌نگده‌رانی دەنگی پێشمەرگە و ھێزە ئەمنییەکان و ده‌ره‌وه‌ی وڵات ده‌كات چونكه‌ له‌ دژی یاسای گشتی عێراقدایه‌. 

له‌و باره‌وه‌ رۆژنامه‌ی وۆل ستریت جۆرناڵی ئه‌مریكی له‌ راپۆرتێكی سه‌باره‌ت به‌و بڕیاره‌ی دادگای فیدراڵی عێراق بڵاویكرده‌وه‌، كه‌ هەمواری یاسای هەڵبژاردنەكان بووه‌ پێشینه‌یه‌كی مه‌ترسیدار بۆ حكوومه‌تی عێراق و هاوكات جه‌ختیشی كردووه‌ته‌وه‌ كه‌ ئەنجامی بەدەست ژماردنەوەی دەنگەكان جیاوازی زۆری نابێت لەگەڵ ئەنجامە ئەلیكترۆنیەكە. 

رۆژنامه‌كه‌ هه‌روه‌ها نووسیویه‌تی، پەرلەمانی عێراق ڕێگەی بەخۆی داوە ئەنجامی هەڵبژاردنێك رەت بكاتەوە و بەساختەی دابنێت، كە به‌ ملیۆنان هاووڵاتی عێراق دەنگیان بۆ داوە، ئەمەش وا دەكات هاووڵاتیانی عێراق لە داهاتوودا كەمترین متمانە بەهەڵبژاردنەكان بكەن. 

هاوكات ره‌خنه‌شی‌ له‌ بڕیاری په‌رله‌مانی عێراق گرت كه‌ رێگه‌ی خۆش كردووه‌ بۆ په‌ر‌له‌مان، هه‌ر كاتێك ئه‌نجامی هه‌ڵبژاردنه‌كانی به‌دڵ نه‌بێت بەگوێرەی ئارەزوو و بەرژەوەندی خۆی یاساكه‌ هەموار بكاته‌وه‌. 

له‌ كۆتایی راپۆرته‌كه‌ی دا وۆل ستریت ئاشكرای كردووه‌ ژماردنه‌وه‌ی ده‌نگه‌كان  به‌ده‌ست گۆڕانكاری بەرچاو لە ئەنجامەكانی كۆتایی هەڵبژاردنەكان درووست ناكات، به‌ڵام رۆژنامه‌كه‌ پێشبینی ده‌كات كه‌ پێكهێنانی حكوومه‌تی نوێی عێراق به‌م زووانه‌ پێك نه‌هێندرێت. 

Peywendîdar

Nûtrîn Vîdyo

COVID-19
Cases
104,964
Mirin
3,436
dîsadîtin
85,814
Cases
607,587
Mirin
12,935
dîsadîtin
567,898
Cases
94,572,376
Mirin
2,023,325
dîsadîtin
67,524,766