وه‌زیری دارایی عێراق وورده‌كاری كه‌مكردنه‌وه‌و بڕینی مووچه‌ی فه‌رمانبه‌رانی ئاشكرا كرد

هه‌وڵ ده‌ده‌ن كه‌مترین زیان به‌و فه‌رمانبه‌رانه‌ بكه‌وێ

عه‌بدولئه‌میر محه‌مه‌د عه‌لاوی، وه‌زیری دارایی عێراق، له‌دیدارێكی ته‌له‌فزیۆنیدا وورده‌كاری كه‌مكردنه‌وه‌و بڕینی مووچه‌ی فه‌رمانبه‌رانی ئاشكرا كرد.

عه‌لاوی له‌میانه‌ی دیداره‌كه‌دا گوتی: حكومه‌ت ئه‌وله‌ویه‌تی به‌چینی هه‌ژاران داوه‌و هه‌ر كه‌مكردنه‌وه‌یه‌كی مووچه‌ ئه‌و خانه‌نشینین و فه‌رمانبه‌رانه‌ ناگرێته‌وه‌ كه‌ مووچه‌كانیان له‌خوار 500 هه‌زاره‌وه‌یه‌ .

هه‌روه‌ها وه‌زیری دارایی عێراق گوتی: پاره‌یه‌كی زۆر له‌ ده‌رماڵه‌ی پله‌ باڵاكان به‌فیڕۆ ده‌چێ و كه‌مكردنه‌كه‌ ئه‌وان ده‌گرێته‌وه‌.

هه‌روه‌ها عه‌بدولئه‌میر محه‌مه‌د عه‌لاوی گوتیشی: هه‌وڵ ده‌ده‌ین كه‌مترین زیان به‌و فه‌رمانبه‌رانه‌ بكه‌وێ كه‌ مووچه‌كه‌یان له‌ پله‌ پێنج نزیكه‌ .

ژێده‌ر / میدیای عێراق

وه‌رگێران و دارشتنه‌وه‌ی / رزگار