ئێوارەی ئەمڕۆ پێنجشەممە لە گوندێكی سنووری شارۆچكەی قەرەتەپە، ئافرەتێك بەهۆی تەزووی كارەباوە گیانی لەدەست دا.
پەیامنێری (كورستان تیڤی) لە گەرمیان پێی راگەیاندین: ئێوارەی ئەمڕۆ پێنجشەممە ئافرەتێك لە گوندی قەریاتاخ سەر بە شارۆچكەی قەرەتەپە بەهۆی تەزووی كارەباوە گیانی لەدەست دا.
ئافرەتەكە ناوی (عەفیفە عەبدوڵا خەلیل)ـە و تەمەنی 63 ساڵە و دانیشتووی گوندی قەریاتاخە.
دوای گیانلەدەستدانی، تەرمی ئەو ئافرەتەكە ڕەوانەی نەخۆشخانەی کفری کراوە، دواتریش بە مەبەستی توێکاری گواستراوەتە بۆ نەخۆشخانەی شەهید هەژار لە شارۆچكەی کەلار.
