د سەدسالا دەرباز بووی دا بێ گومان ئێك ژ ڕوودانێن دیروکی یێن هەڕە گرنگ خەباتا گەلێ کورد بوو، پارتی دیموکراتی کوردستان ل سالا ١٩٤٦ ێ هاتە دامەزراندن هەر ژ دەستپێکا دامەزراندنا خوە دەست ب خەباتا گەلێ خوە کر پیخەمەت دەست ڤە ئینانا مافێن کوردان.
پارتی دیموکراتی کوردستان هەرچەندە بتنێ پارتیەکە بەلێ ب خەباتا خوە گەهشتە وی ڕادەی دەولەتەك مەزن ل ڕوژهەلاتا ناڤین دژی وێ ڕاوەستیا و ڤیا ب ڕێکا وێ دوزا گەلێ کورد ژ ناڤ ببت.
خەباتا گەلێ کورد د وەلاتێ وان کوردستانێ دا بو ب دەست ڤە ئینانا مافێن ڕەوا ژ لایێن جودا جودا وەك کەلتوری، سیاسی، خوە ڕێڤەبرن ئانکو ئوتونومی، و مافێن دی بێ گومان ب ڕێکا پارتی دیموکراتی کوردستان بووینە ئەڤە ژی شەهدەیێ ل سەر وێ چەندێ ددت کو پارتی نە بتنێ پارتیەك سیاسی بوویە و بوویە بنگەهەك شوڕەش و خەباتەکێ.
ژ لایێ دی ژی ڤە دوژمن و داگیرکەران هەردەم دژایەتی ل ڤی پارتیێ کریە دا کو ببن ڕێگڕ بەرامبەر کوردان و نە گەهن مافێن خوە یێن سروشتی.
گەلێ کورد وەکی گەلێن دی یێن جیهانێ و پتر ژی ماف هەیە بگەهن ئامانجێن خوە ژ بەر ڤێ چەندێ ژی هەردەم بووینە قوربانی و کومکوژی و دەردەسەری و ڤەگوهاستنا ب زوری بوویە پێنگاڤ ژ لایێ رژێمێن داگیرکەران ڤە.
تێکدان و هەبوونا ئاژاوێ ژی د دیروکا سیاسی دا ئێکە ژ وان خالێن دوژمن ب ڕێکا وان داخوازیێن خوە بجھ بینن، پارتی دیموکراتی کوردستان ژ بەر کو بەشدارە د دەسەلاتێ دا ئەڤ چەندا دهێتە کرن دژی وێ ب ڕێکێن جودا جودا تاکە لایەنە د نەختێ ئامانجێ دا.
