تورك دبێژن خودێ مێشكێ دووێ یێ كوردا بده‌ت مه جونكی مێشكێ ئێكێ بو دوژمنی كاردكه‌تن وه مێشكێ دووێ بخو بكاردئینن و دروست كاردكه‌تن!!
ئه‌ڤه ساڵا كوردی بو ٢٧٢٠ هێشتا مێشكێ كوردی یێ دووێ بێ مێشكێ ئێكێ كارنه‌كریه
د هه‌لویست و بریارێن ئێكێ دا هه‌رده‌ما مێشكێ دووێ هاتیه بكارئینان پشتی كولما مێشكێ ئێكێ خاری یه‌كسه‌ر كوردان خوه راگرتیه و بوینه یه‌ك هه‌لویست ئه‌نجام ب ئه‌رێنی د خێرا ملله‌تی دا پری ده‌ستكه‌ڤتی بویه
مینا كۆمارا مهاباد ب سه‌رۆكاتیا قازی و پشته‌ڤانیا كوردێن هه‌رچوار پارچێن كۆردستانێ
هه‌روه‌سا سه‌رهلدانا ١٩٩١ ل باشورێ كوردستانێ ب هه‌مان مێشكێ دووێ كوردان كاركر و ئه‌نجام دبه‌رژه‌وه‌ندیا كوردان دا هاته ئێكلاكرن.
دا ده‌رئه‌نجامێن مێشكێ كوردی یێ ئێكێ و دووێ فوكس بكه‌ین لسه‌ر ڤان سێ ته‌وه‌رێن مه د ئه‌درێسا بابه‌تێ خوه دا بجهكرین
١/ كورونا و مێشكێ ئێك و دوو:وه‌كی دیار ل دوماهیا سالا بوری ڤایروسه‌ك ل باژارێ واهانێ چینێ ده‌ركه‌ڤت و ل جیهانێ به‌لاڤ بویه و هه‌تا نوكه چاره‌سه‌ریا دورست نه‌هاتیه دیتن و پتری ٣٠٠هزاران مڕوڤ ل جیهانێ توش كرینه و هه‌ر لده‌سپێكێ حكومه‌تا هه‌رێمێ ب مێشكێ دووێ كارلسه‌ر ڤی فایروسی كر و رێكارێن توند گرتنه به‌ر بو پاراستنا به‌رژه‌وه‌ندیا گشتی و سلامه‌تیا خه‌لكی ولێ مخابن ژماره‌كا زۆرا خه‌لكێ مه هه‌تانوكه‌ژی كار ب مێشكێ ئێكێ دكه‌ن گوهداریا رێنمایێن ته‌ندروستی ناكه‌ن ب هێجه‌تا كار و نه‌وروزو ئادابێن ئاینی و عرفی وه ئه‌نجامێ پێگرینه‌كرن ب مێشكێ دووێ رێژا ڤی ڤایروسی به‌ره‌ڤ بلندبونێ ڤه دجیتن ل گه‌له‌ك ناڤچێن هه‌رێمێ دا,
٢/ریفراندوم و مێشكێ ئێك و دوو: بوجی بریارا ریفراندومێ ب مێشكێ دووێ هاتبودان؟ د گه‌ل هه‌می پارت و لایه‌نێن كوردی ب سه‌روكاتیا سه‌روك بارزانی جونكی سه‌ركردایه‌تیا كوردی دزانی هه‌وله‌كا هه‌رێمی و نیڤده‌وله‌تی هه‌یه بو زڤراندنا نافچێن ناكوك )م١٤٠( بو سه‌ر حكومه‌تا ناڤه‌ندی ڤه له‌ورا بریارهاته دان ریفراندوم بهێته‌كرن و به‌لگه‌نامه‌ك بكه‌ڤیته ده‌ستێ كوردان بو مێژوویێ و ب به‌لگه كورد خودانێت ڤێ ئاخێ نه و ده‌سه‌لاتداربوینه و بریارا خودایه كو ئه‌ڤ نافجێن ناكوك ئاخا كوردستانێ یه لێ مخابن لایه‌نه‌كێ كوردی ب مێشكێ ئێكێ ئه‌و ده‌ستكه‌ڤت كره دیاری و قوربانێ به‌رژه‌وه‌ندیێن تاكه‌كه‌سی و پارتایه‌تی یێن به‌رته‌نگ..
٣/رۆژئاڤا و مێشكێ ئێك و دوو: ل رۆژئاڤا ماده‌م كورد هه‌نه بلا ده‌سه‌لاتداری بو وان بیتن گرنگ نینه چ ره‌نگ و ئالاو هزربن به‌لكو یا گرنگ ئه‌وه كوردبن و شیانێت پاراستنا ده‌ستكه‌ڤتێن خوه هه‌بن ,
لێ یا مه دیتی ل ده‌سپێكا شوره‌شا رۆژئاڤا ب مێشكێ ئێكێ شوره‌ش هاته‌كرن و لایه‌نێ كوردی یێ زال هه‌ولا شكاندنا ده‌ستێ كوردی دا ل شوینا گرتنا ده‌ستێ برایێ كورد كار بو حكومه‌تا دیمه‌شقێ كر بو ئه‌گه‌رێ بهێزبونا ده‌سه‌لاتا بشارئه‌سه‌دی و ژده‌ستدانا ده‌ستكه‌فت و ناڤجێن كوردی یێن باكورێ رۆژئاڤایێ روبارێ فوراتێ,
پشتی مێشكێ دووێ دای كاری هه‌ولا لێك نێزیكبونا لایه‌نێت كوردی كرین لبن ترسا ژده‌ستدانا هه‌می ده‌ستكه‌ڤتێن رۆژئاڤا ب پشته‌ڤانیا هه‌می كوردان و تایبه‌ت په‌یوه‌ندیێن دبلوماسی یێن هه‌رێما كۆردستانێ و تایبه‌ت سه‌رۆك بارزانی یێدی به‌لانسه‌ك هاته دروستكرن كورد ل جه‌ند ناڤچه‌یه‌كێن كێم هاتن پاراستن و بونه لایه‌نێ بێ هێز دده‌مێ نوكه‌دا د هه‌ر دانوستاندنه‌كا هه‌رێمی و نیڤ ده‌وله‌تی دا.
هیڤیدارم د هه‌می بوارێن ژیانێ دا بلا مێشكێ دوو كاربكه‌تن و ببیته ده‌رمانێ وان برینێت مێشكێ ئێكێ هه‌لكولان.
