ل سەر ئاستێ ناڤخوە ئەڤا ڕویدای ئێکڕێزی و هەڤگرتنا کوردان ژناڤ بر و ئێخستن د لاوازترین ئاست دا، و چه‌ند پارتێن پشكدار خوە ژ حکومەتێ ڤەکێشان ، هندەک ئالیێن خوەدی ئەجیندایێن دەرەکی داخوازا هەڵوەشاندنا حکومەتێ کرو ژ ئالیێ دی حکومەتا عیراقێ هەموو شیانێن خوە دانە کار و ئابلوقەیەکا سیاسی و ئابوری و دیبلوماسی خست سەر هەرێمێ ، کو ئێدی ڕێ نە هاتدان هیچ شاندەکێ بیانی سەرەدانا هەرێمێ بکەت و دەریێن سنوری و ئاسمان ل هەرێمێ داخست وئەو بیرێن پەترولا دکەڤن د ئاخا هەرێمێ دا دەست ب سەرداگرت و ئێدی ئەوداهاتێ پێتڤی ودانا نیڤ موچێ فەرمانبەرا ژی نەما وهەرێم ب تەمامى هات دورپێچکرن ب هاریکارییا وەڵاتێن هەڤسنور.
کوردان ژبلی دیبلوماسیەت و دانوستاندنێ چ رێک نەمان و ژئالیێ چەندی و جوری دشیان دا نینە لهەمبەر هەرسێ وەڵاتان ڕاوەستیت چ ژئالیێ لەشکەری و چ یێ دیبلوماسی، بەلێ ڕاستیەکە دڤێت بهێت گوتن کو سەروکێ حکومەتێ گەلەک ب ژیرانە ودیبلوماسیانە ڕەفتار دگەل ڤێ دۆخێ کر و دیار دبیت ژ سەرەدانێن وی بو وەڵاتێن ئەوروپی و ڤاتیکانێ و وەڵاتێن هەڤسنور، کو شیا بالانسا هێزا دیبلوماسی ڕاگریت و یا هەی ژی ژدەست نەچیت .
د ڤی دەمێ کێم دا سەروکێ حکومەتێ و ل دویف داخازاوان وەڵاتان سەرەدانا هەرئێک ژ ئەلمانیا و فەرەنسا و ئیرانێ کر، و دەرئەنجامێن وان سەرەدانا هەر زوی دیاربوون ب لهەڤهاتنێ ل سەر کێشا موچەیێن فەرمانبەران کو دڤیان ب ڕێکا ڤێ کێشێ گڤاشتنا ل سەر حکومەتێ دروست بکەن و دەرزەکێ بێخن دناڤبەرا خەلکی و حکومەتێ دا و شکاندنا سەرکردێن کورد و ب تایبەت سەروکێ حکومەتێ د چاڤێ هاوڵاتییان دا ، و ڤەکرنا ڕێیێن دانوستاندنان بو ڤەکرنا فڕوکخانا و ڤەکرنا دەریێن سنوری دگەل ئیرانێ و جڤینا دگەل سەروکێ حکومەتا عیراقێ ، سەروکێ حکومەتێ سەلماند کوئێدی کورد ژی دشێن سیاسەتێ ب باشی و ل گورەی ڕەوش و بارودوخێ هەیی بکەن و هەر زوی هەڤپەیمانی و ڕێککەفتنا پێکبینن و ڕەوشێ ل دویف بەرژەوەندیێن کوردان وبارودوخێ ڕوژهەلاتا ناڤین تێدا دەربازدبیت ب گوهڕن، کو ڕەوشەکا بەردەوام دگوهڕینێ دا یە .
ئەڤ دیبلوماسیەتا سەروکێ حکومەتێ شیا جارەکا دی وەڵاتێن زلهێز وکاریگەر بو فشارێ ل سەرعیراقێ بو پاراستنا ماف و دەستکەفتێن کوردان و پاراستنا کیانێ هەرێما کوردستانێ بینت سەرهێلێ ، کو پشتی کوردان هەست کری ئێدی هەموو وەڵاتان خیانەت لێ کر و پشت دایێ، ب تایبەت ژی ئەمریکا و بەریتانیا و فەرەنسا، بەلێ سەروکێ حکومەتێ گەرماتی بو وان پەیوەندیێن ساربویێن ڤەگەڕاند و پێگەهێ کوردان یێ سیاسی و دیبلۆماسی بهێزکرڤە ود پێشەڕوژەکا نێزیک دا دەرئەنجامێن سیاسەت و دیبلوماسیەتا سەروکێ حکومەتێ و سەرەدانێن وی دێ پتردیاربن .
و ل ناڤخوەیێ کوردستانێ ژی سەروکێ حکومەتێ شیایە جارەک دی ناڤمالا کوردی رێک بێخیت و ژ شەڕەکێ ناڤخوەیی یێ وێرانکەر و دابەشکرنا هەرێمێ بو دوو ئیدارەیان دویر بێخیت و دەرئەنجامێن خوەڤەکێشانا پارتێن سیاسی ژ حکومەتێ کێم بکەت و، هەر وەسا شیایە پیلانا دەستێوەردانێ د ناڤخوەییا هەرێمێ ژناڤ ببەت ئەوێن دڤییان خوەپێشاندانێن هەوڵاتییان ب ئاراستەیەکێ دی ڤە ببەن و بکەن بهانە بو مایتێکرنێن عیراقێ و هەڤسنورا د ناڤخوەییا هەرێمێ دا بو ژناڤبرنا هەرێمێ.
