کۆمەڵگای نێودەوڵەتی هێرش وکۆمەڵکوژییەکەی تاران بەتووندی شەرمەزار دەکەن

گەر ئێرانییەکانی کەیفیان بە خۆیان بێ لە هێرش و پەلاماردانە نامرۆڤانەیە خۆیان بە سەرکەوتووبزانن وبەختەوەر بن بەوەی کە تازەترین چەکی کوشندە ومۆدرێنی خۆیان بە کورد وبەهەرێمی کوردستان تاقیکردبێتەوە ، ئەوا زۆربە سەهووچوونە.

هەروا هێرشی رۆژی 28-9-2022 لە پای هەر چییەک بێ و بۆ پاساوی هەر کارێک بێیت ، ئەوا لە گوێی گادا نووستوون . چونکە ئێستا تاران لە جاران زیاتر وەک بەغداو ئەنقەرەو دیمەشق بە ناشیرینترین ودڕندەترین رژێمی ناوچەکە دێتە ژماردن و وەک رژێمێکی کورد کوژ ومرۆڤکوژوجوانیکوژو ژنکوژو ژیانکوژ

کوژ لەقەڵەم دەدرێ و کەلەرەقی ولاساری و خۆدزینەوەکانی لەبەرامبەر پرسی بەرهەمهێنانی چەکی ئەتۆمی ، هەموو مەبەستە شاراوەکانی تارانی باشتر بە دیار هێخست .

ئیتر تاران ، بە کوشتارگەیەی رۆژی 28-9-2022 و بە کوشتنی ژینا ئەمینی لە رۆژی 19-9-2022 وە و دواتر سەرکوتکردنی خۆپێشاندەرانی لە شارەکانی ئێرانەوە بە ئاگرو ئاسنەوە ، ناشیرینتر و دڕندەتر بەدیارکەوت و لە هێرش و پەلاماردنی رۆژی 28-9-2022 یشدا بۆ سەر هەرێمی کوردستان و وڵاتێکی دراوسێی وەک عێراق با لەژێر هەژموونی خۆشیدا بێیت لە نێو کۆمەڵگای نێو دەوڵەتی ناوەندەکانی مافی مرۆڤ بە رێکخراوی نەتەوەیەکگرتوەکانیشەوە مایە

و جێگای قبوڵکردن نییە بۆیە هەرلە ئێستاوە بەتووندی ئەو هێرش و پەلامار

دانە بۆسەر هەرێمی کوردستان وسەرکوتکارییەکانی دەرهەق بەخۆپێشاندەران و شەقامی ناڕازی تاران ریسواو شەرمەزارکراوە و وەک لێشی دەخوێندرێتەوە کۆمەڵگای نێو دەوڵەتی و ناوەندەکانی مافی مرۆڤ هەر بەوەندە ناوەستن .

لە ئاستی ناوەخۆش تەواوی جەماوەرو خەڵکی تێکۆشەری کوردستان و دۆستانی گەلی کورد لە هەرکوێیەکی جیهاندا هەبن پێشانیان دا بەتووندی سەرکۆنەی تاران دەکەن وریسواو مەحکومی دەکەن و وەک تۆتالیتاریترین سیستەم و رژێمی سیاسیی لە ناوچەکەدادەیبینن.

هەولێر 1-10-2022