(بارزانیێ نه‌مرد گوت ) كورد سه‌پانێ بابێ كه‌سێ نینن
چه‌رخه‌ك لسه‌ر كوردان دا پری كۆمه‌لكوژی و قڕكرن ده‌ربازبو لێ هێشتا مینا ملله‌تێن ب مافێن خو شادبوینه ئه‌م نه گه‌هشتینه بریاره‌كا كورد و كوردستان پارێزیئ ئه‌ف ساله ژی وه‌ك هه‌رسال گه‌لێ مه ل هه‌رده‌ڤه‌ره‌كێ و پارچه‌كێ ساڵڤه‌گه‌ڕا كۆمه‌لكۆژی و قركرنا باب و باپیرێن خودكه‌ن چ كۆمه‌لكوژیا دێرسم یان ئه‌نفالێت بارزان و بادینان و گه‌رمیان یان ژناڤبرنا شوره‌ش و كیانێت كوردی ب ئاسن و ئاگر ل رۆژهه‌لات و رۆژئاڤایێ كوردستانێ بده‌ستێن داگیركه‌رێن كوردستانێ دهاتنه ژناڤبرن و لێدان به‌لێ هێشتا ترسا دوباره‌بونا ڤان كاره‌ساتان گه‌رمه چ ژلایێ ده‌وله‌تێن داگیركه‌رڤه یان شه‌رێن براكوژیا ره‌ش,
• دابه‌شكرنا ئاخا كوردستانێ ل په‌یمانا لوزانا ١٩٢٣ بو ئه‌گه‌رێ دابه‌ش بونا هێزێن كوردی و یێدی ل هه‌رپارچه‌كا كوردستانێ سه‌ركرده‌ك ب هێز و ته‌ڤگه‌ڕاخوه ب شوره‌شێن وێ پارچێ رابووینه لێ هه‌رچه‌نده هاریكاری و پشته‌ڤانی دهاته‌كرن دناڤبه‌را هێزێن كوردی دا لێ تێرا نه‌دكر,وه‌ك هاریكاریێن بارزان بوپشته‌ڤانیكرنا شێخ مه‌حموودێ حه‌فید و كومارا مهاباد و شوره‌شێن باكور و رۆژئاڤا ب كاره‌كێ نه‌ته‌وی و نیشتیمانی دهێنه هژمارتن.,
• پشتی جه‌نگێ جیهانی یێ دووێ كورد كه‌فتنه قوناغه‌كا نوی یا شوره‌شگێریێ دا به‌رامبه‌ر ده‌وله‌تێن داگیركه‌ڕ و هه‌ڤركیا ناڤبه‌راهێزێن نافخوی یێن كوردی دا,
• به‌داخه‌وه ژئه‌گه‌رێن دابه‌شبوونا جوگرافی وسیاسی و مایتێكرنێن ده‌وله‌تێن هه‌رێمی و نیڤ ده‌وله‌تی كورد هه‌تا نوكه نه شیاینه ل بن یه‌ك ئاڵا و یه‌ك سه‌ركرده شوره‌شه‌شه‌كا سه‌رانسه‌ری و یه‌كگرتی ئه‌نجام بده‌ن كۆ هه‌تا سالا ١٩٩١ ئه ڤ ده‌رفه‌ته هه‌بوو, لێ پشتی راپه‌رینا ١٩٩١ ل باشورێ كوردستانێ قوناغه‌كا نوی هاته د روژه‌ڤێ دا و یێدی كورد پێتڤی ب سیاسه‌ته‌كا نوی بوون بو درێژه‌دان بده‌سڤه‌ئینانا مافێن گه‌لێ كورد ل هه‌رچوار پارچێن كوردستانێ ژبو به‌رچاڤگرتنا تایبه‌تمه‌ندیا هه‌رێما كوردستانێ ژگه‌ف و هێرش وپیلانێن هه‌رێمی بمخابنی ڤه تا راده‌كێ زۆر ئه‌ڤ تایبه‌تمه‌ندیه به‌رچاڤ نه‌هاتگرتن ژلایێ هنده‌ك هێزێن كوردی ڤه, ,
• كونگرا نه‌ته‌وی ب دیتنا من دڤی سه‌رده‌می دا تنێ خومژیلكرنه وكوشتنا ده‌می یه و ڤه‌مانا كێشا كوردیه تایبه‌ت ل پارچێن دی یێن كوردستانێ چونكی ژێروارێ هه‌رێما كوردستانێ وعه‌قلیه‌تا هێزێن پارچێن دی یێن كوردستانێ گه‌له‌ك ژێك دیرن وه ئه‌زنابینم هێزێن سیاسی ێن كوردی لسه‌ر ئێك به‌رنامه و پڕوپوزه‌ل رێكه‌ڤن ژئه‌گه‌رێ به‌رژه‌وه‌ندیێن پارتایه‌تی و ده‌ستێن هه‌رێمی یێن مایتێكه‌ر و تێكده‌ر,بدیتنا من باشترین به‌رنامه بو پێشڤه‌برنا دوزا ملله‌تێ كورد ل هه‌رچوار پارچێن كوردستانێ ئه‌وه كۆ هه‌رپارچه‌كا كوردستانێ ته‌ڤگه‌ر و هێزێن خو یێن چه‌كداری بكه‌ن كارته‌كا فشارێ بو بده‌ستڤه‌ئینانا مافێن خو یێن كلتوری و سیاسی برێكا پارتێن سیاسی یێن مه‌ده‌نی و خورتكرنا په‌یوه‌ندیێن سیاسی و كلتوری و ئابوری دگه‌ل سه‌روكایه‌تیا هه‌رێماكوردستانێ و هێزێن نیڤ ده‌وله‌تی و زلهێزێن جیهانێ دا لبن هزر و شوراكرن ب بوچون و دیتنێن سه‌رۆك بارزانی ئه‌گه‌ر وه‌ك مه‌رجع نه‌هێته هژمارتن ژی ژلایێ هنده‌ك هێزێن كوردی ڤه بلا وه‌ك خه‌باتكاره‌ك و پێشمه‌رگه‌ك و كورێ ره‌مزا ملله‌تێ كورد مه‌لا مسته‌فا بارزانی رێز ل بوچون و دیتنێت وی بهێته‌كرن تایبه‌ت پشتی مرنا مام جه‌لال و گرتنا به‌رێز عه‌بدلله ئۆجلانی چونكی بارزانی سوزدایه هندی د ژیانێ دا مابیتن رێگرێ شه‌رێ براكۆژیێ بیت و پشته‌ڤانێ هه‌ر كورده‌كێ دلسوزێ ئاخاكوردستانێ بكه‌تن,مێژوو دیده‌ڤانه ب یه‌كگرتنێ كوردان چه‌ندین ده‌سكه‌فت وه‌رگرتینه و پاراستینه دیسان ب گوتنا هوزانڤانێ كورد ئه‌حمه‌دێ خانێ وتارا خو بدوماهی ئینم ده‌مێ دگوت ) كوردینو ببن یه‌ك گه‌ر هوین نه بن یه‌ك هوین دێ چن یه‌ك ب یه‌ك (.. .
