لڤێرێ من نه ڤێتن به حسا ئه كتیڤیا په‌رله‌مانی بكه‌م و شه‌فافیه‌تا حكومه‌تێ به‌لكو من دڤێتن خالا بدانم سه‌ر په‌یڤان و به‌حسێ ئه‌نجام و گهورینێن سه‌ر ڤێ دیبه‌یتا ڤه‌كری و فره‌لایه‌نی بكه‌م خو ئه‌گه‌ر ب كورتی بیتن
, .
گرێدانا ڤێ كومبونێ لسه‌ر داخازیا سه‌رۆكێ حكومه‌تێ سڤك كرنا بارێ په‌رله‌مانتارێن ئوپوزسیونێ و ده‌سته‌یا سه‌رۆكایه‌تیا په‌رله‌مانی بوو , ژلایێ سیسته‌مێ دیموكراتی ڤه بجهئینانا ره‌هه‌ندێن دیموكراسیێ پێنگاڤه‌كا ئه‌رێنی بوو وهیڤیه‌ك دروست بو كو ئه‌ڤ كابینه نه كابینه‌كا رادیكال وبێ رێزه به‌رامبه‌ر به‌رپرسیاریا گه‌ل و په‌رله‌مانی وه‌كی ب ده‌ڤێ هنده‌ك په‌رله‌مانتاران ئاواز بو دهاته لێدان دیاربوو سینگێ سه‌رۆكێ حكومه‌تێ و كابینا وی مه‌زنه و هه‌می ره‌خنه‌كێ وه‌ردگریتن رێزێ ل په‌رله‌مانی دگریتن وه‌ك بلندترین ده‌ستهه‌لاتا یاسا دانانێ ل هه‌رێمێ و رێزێ ل په‌رله‌مانته‌ران دگریتن وه‌ك نوینه‌رێن گه‌لی
بشێوه‌یه‌كێ گشتی په‌رله‌مانته‌ران پسیارێن خو دكرن وتیما حكومه‌تێ بشێوه‌كێ هیر به‌رسڤ لسه‌ر پسیارا دهاته دان و باس ل هه‌می ته‌وه‌ران هاته‌كرن بێ قورخكرنا هیچ بابه‌ته‌كی,
دیسان هێزێن ئوپوزسیونێ بشوه‌كێ ئه‌رێنی دبینم پسیارێن خو ئاراسته‌ی تیما حكومه‌تێ كرن بشێوه‌یه‌كێ هێمنانه و تشته‌كێ سرۆشتیه ره‌خنا ل كابینا حكومه‌تێ بگرن چ ب مه‌به‌ستا ئاڤاكه‌ر یان ب بو مه‌به‌ستا راكێشانا جادا كوردی و خو وه‌ك نوێنه‌رێ گه‌لی نیشان بده‌ن لسه‌ر داخازیێت خه‌لكێ هه‌رێمێ هه‌روه‌كی بشێوه‌كی بیتن كۆ هێزێن ده‌ستهه‌لاتدار لایه‌نه‌كێ ڤه‌بری ژ خه‌لكی و بێ ده‌نگ دان هاتبن سه‌ر كورسیا ده‌ستهه‌لاتێ,,
سه‌رۆكێ حكومه‌تێ بشێوه‌یه‌كێ گشتی ب ئه‌رێنئ به‌رسڤ و روهنكرن لسه‌ر هه‌می بابه‌ت و ته‌وه‌ر و به‌رسڤان دان
گرنگترین ئه‌نجامێن كومبونێ
ئێك/بشێوه‌یه‌كێ گشتی د به‌رسڤادانا پسیارێن په‌رله‌مانتاران دا تیما حكومه‌تێ یا سه‌ركه‌فتی بو.
دوو/هێزێن ئوپوزسیونی و ده‌ستهه‌لاتدار ب رێزگرتن ل سیسته‌مێ دیموكراتیێ ١٠ كاتژمێر برێڤه‌برن و بێ هیچ ئاریشه‌یه‌ك و روویدانه‌كا نه‌چاڤه‌رێ كری.
سێ/تیما حكومه‌تێ باوه‌ری ب داتاو رێكارێن حكومی یێن خوه هه بوون زۆر بێ منه‌تی به‌رسڤ لسه‌ر هه‌می پسیاران دان و بێ دودلیه‌ك هه‌بیتن و به‌هراپتر یا وان به‌رسڤان باوه‌ریا په‌رله‌مان وجادا كوردی بده‌ست ڤه برن.
كۆمبونا ل په‌رله‌مانێ كوردستانێ هیڤیه‌ك بو خه‌لكێ كوردستانێ دروستكر كو ئه‌م ل هه‌رێمه‌كا دیموكراتخوازین و رێزێ ل ده‌نگێ خه‌لكێ خوه دگرین.
Zardasht:
