ان الله لایغروا مابنفس حتی یغیروا مابانفسهم ,,هه‌روه‌كی خودایێ مه‌زن فه‌رمووی
میكاڤێلی
پێدانا خوشیان بكێم كێمی ب كومه‌لگه‌هی باشتره ب دانا خوشیان ب یه‌ك جاری جونكی خه‌لك ب وه‌رگرتنا خوشیان و ئازادیێ پشتی تامكرنا نه خوشیان دێ هه‌می نه خوشیان ژبیركه‌ن و ب ته‌ندروستی وێ خوشیێ وه‌رگرن و بكارئینن
هه‌می ئاین وئایدلوژیا و سیسته‌م كا لسه‌ر ئارامی و پێشڤه‌چوونا كومه‌لگه‌هی دكه‌ن د قوناغێن خویێن ته‌ندروست دا
زۆر زه‌حمه‌ته ملله‌ته‌ك ژ قوناغا فیودالیێ )ده‌ره‌به‌گایه‌تیێ(دا ئێكسه‌ر بچیته‌قوناغا جیهانگێریێ و بێی كو د هیچ فیلته‌ره‌كی دی دا ده‌ربازببیتن مینا سیسته‌مێن لیبرالیزمی و ئیشتراكیه‌تی و سه‌رمایه‌داری ئه‌ڤه ژئ ب وێ واتایێ دهێتن كو ئارامیا سیاسی ل ناڤچێ بجهنه‌بوویه,
جڤاك د قوناغا ته‌ندروه‌ست دا ده‌ربازنابیتن ئه‌گه‌ر ب پله‌كێ بچن سه‌ر سێهنیا حازر به‌لكو دێ جڤاكه‌كێ شه‌له‌لی بیتن , ئه‌گه‌ر ئه‌م ڤێ منگرتیێ بێژین ئه‌رێ ته‌ندروسته قوتابیێ پولا سه‌ره‌تایی نه چیته قوناغا دواناڤنجی و ئێكسه‌ر بچیته زانكویێ ئه‌رێ د وی ژیێ بچیك و مێشكێ سه‌ره‌تایی دا دێ ره‌فتارێن وی زارۆكی ل زانكویێ ته‌ندروست بن ؟
بێ گومان نه‌خێر
بێ گومان جڤاكێ كوردی تایبه‌ت ل هه‌رێما كوردستانێ بشێوه‌كێ گشتی د قوناغا ڤوگوهاستنێ )ئینتقالی( دایه و هه‌ر ملله‌ته‌ك یان جڤاكه‌كێ دڤێ قوناغێ دا ده‌ربازبیتن بێ گومان دێ گه‌له‌ك تشتێ نوی هێنه ناڤدا ج باشی یان خرابی و هه‌تا دوماهیێ تشتێ نه‌شاز نه‌مینیت و ئه‌نجامه‌كێ ئه‌رێنی بده‌ستكه‌ڤیتن ئه‌ڤه ئه‌گه‌ر كومه‌لگه‌هو ده‌ستهه‌لاته‌كا هشیار كار سه‌ر راستكرن و دیرئێخستنا ڤان نه‌شازیا بكه‌ن , به‌لێ ئه‌گه‌ر ده‌ستهه‌لات هاریكارنه‌بیت وبێ سانسور تشتی پێشكێشی جڤاكێ پاشڤه‌مایی بهێته‌كرن ل وی ده‌می دێ كاره‌سات رویده‌ت و شیرازا كومه‌لگه‌هی ژبن جیت و وه‌ك تاك و كومه‌لگه‌ه دێ كارتێكرنێ كه‌ته سه‌ر هزرا نه‌ته‌وه‌ی وپاراستنا ده‌ستكه‌ڤتان دێ مه‌ترسیێ دابن
ده‌مێ نوكه ده‌مێ تاك گه‌راییه نه ك سه‌رده‌مێ كومه‌لگه‌هیه.
كومه‌لگه‌هێ مه ژ ناڤچه‌گه‌ریێ ئێكسه‌ر پێنگاڤ هاڤێته ناڤ جیهانگێریا بله‌ز و ته‌كنه‌لوجیا سه‌رده‌م و سوشیال میدیایا بێ سانسوركری, دبینین خه‌لكێ مه ب رێكا سوشیال میدیایێ جه‌ندین فانس بخوه په‌یداكرینه بێ كو هیچ تشته‌كێ زانستی یان ره‌وشه‌نبیری نیشانبده‌تن تنێ دجانتكێ واندا گوتنێن كرێتن یان خونیشاندانا كچان و راكێشانا سه‌رنجا خه‌لكێ به‌تال ,
مخابنی ڤه دێ بینین مووچه نینه یێ بازارێ ترومبێلێن بها دكه‌ن
یان خه‌لكێ مه هێشتا قیتار نه دیتی ب فروكان گه‌شتا دكه‌ن
بێ گومان پێشكه‌فتن یا ئه‌رێنئ بیتن باشه به‌لێ یا ئه‌م دبینین نه ئه‌و پێشكه‌فتنا ته‌ندروسته چونكی ئه‌م دبینین بو بده‌ستڤه‌ئینانا پاره‌ی خه‌لكئ مبدا نه‌مایه كرین و فروتنێ ب نه‌فسا خو دكه‌ن چ برێكا سوشیال میدیایێ یان گهورینا پارتان بو ده‌ستڤه‌ئینانا كوژمه‌كێ پاره‌ی
,
به‌شه‌كێ چاره‌سه‌ریان دڤان خالاندا دێ به‌رچاڤ كه‌م
١/ده‌ستهه‌لاتا سیاسی ب هه‌می ئورگانێت خوڤه حكومه‌ت وپارتێن سیاسی ب ئه‌ركێ خوه یێ ئاڤاكه‌ر رابن و نه‌هێلن بازرگانی بیته ئه‌گه‌رێ تێكدانا شیرازا جڤاكێ كوردی و سنوره‌كی بو سوشیال میدیا به‌ره‌ڵا بدانن.
٢/ماموستایێن ئاینی روله‌كێ گرنگ هه‌یه د پێگه‌هاندنا تاك و خێزانا كوردی دا
٣/ رێكخراوێن سڤیل ب ئه‌رك بزانن ئازادیا راده‌ربرینێ و خونیشاندان گه‌له‌ك جاران نه ئازادیه به‌لكو تێكدانه.
٤/ په‌روه‌رده‌كرنا زاروك و تاكێ خێزانێ ژلایێ سه‌رۆكێن خێزانێ ڤه ول قوتابخانا ژلایێ موستایان ڤه ب باشی بهێنه په‌روه‌رده‌كرن
٥/راگه‌هاندن ب ئه‌ركێ خو یێ ئاڤاكه‌ر و پێگه‌هاندنێ رابیتن ب پێشكێشكرنا به‌رنامه و پرۆگرامێن په‌روه‌رده‌ی.
