وه‌ك دهێته زانین ، كو راگه‌هاندن ده‌ستهه‌لاتا چارێ یه ، لێ به‌لێ د پرانییا ده‌لیڤان دا راگه‌هاندن بله‌زترن و ئاسانترین ئاوا خو دگه‌هینیته ناڤا جڤاكی ،د یاسایێن راگه‌هاندنێ دا چه‌ندین برگه‌هێن جدا هه‌نه بۆ وێ یه‌كی ، كو د هه‌می ده‌ما دا راگه‌هاندن ب گشتی پێگیری وان برگه‌هـ و یاسایان بیت ، لێ به‌لێ مخابن بۆ هنده‌ك ده‌زگه‌هـ و تورێن میدیایێ ، كو زۆر ب بێ په‌رپرسانه سه‌ره‌ده‌ریێ دگه‌ل ره‌وش و ده‌روونێ جڤاكی دكه‌ن .
ئه‌و ژی ب نیشاندنا دیمه‌نێن نه د جهێ خو دا ، كو راسته راست كارتێكرنێ ل سه‌ر ده‌روونی تاكی جڤاكی دكه‌ت ،راگه‌هاندنا پرۆفشناڵ وێ یه‌كێ ناگه‌هینیت ، هه‌ر تشته‌كێ ته بڤێت بهێته به‌خش كرن و ب بیته ئه‌گه‌را ئێشاندنا ده‌روونێ ته‌ماشه‌ڤانان، ب بۆچوونا من دڤێت راگه‌هاندنا كوردی پێداچوونێ د شێوازی وه‌شانا خو دا بكه‌ت ، ب تایبه‌ت ژی ژلایێ پاراستنا ده‌روونێ جڤاكی ڤه ،
د نها دا هنده‌ك تورێن میدیایێ و سوشیال میدیایێ دناڤا جڤاكێ مه دا راسته‌وخو كارتێكرن كریه سه‌ر ده‌روونی تاكێ جڤاكی ، كو ئه‌ڤ كارتێكرنه ژی بۆ داهاتی دێ بیته مه‌ترسییه‌كا مه‌زن بۆ سه‌ر كلتور و دابونه‌ریت و نفشێ داهاتی و هه‌روه‌سا زێده‌بوونا ئالاڤێن راگه‌هاندنێ و پێشكه‌تنا بیاڤێ راگه‌هاندنێ د ڤی سه‌رده‌می دا ، پێدڤییه كو راگه‌هاندن ببیته ئه‌گه‌را ڤه‌ژاندنا جڤاكی نه‌ك تێكدان و شێواندنا ده‌روونی تاكی جڤاكی .
د ده‌ما تو دناڤا میدیایا كوردی دا ده‌رباس د بی ، ویجا چ میدیا یان ژی تورێن سۆشیال میدیایێ بیت دێ گه‌له‌ك مژارێن سه‌یروسه‌مه‌ر بینی ڤیجا ژلایێ سیاسی و كلتوری و ئولی ...هتد ، لڤێرێ ژی سفكاتی ب هه‌ڤدوو كرن و ئاخفتنێن كرێت و گه‌له‌ك تشتێن دهێنه دیتن ،لێ به‌لێ یا گرینگ ئه‌وه ، كو یاسایا بۆ راگه‌هاندنێ هاتییه ده‌رخستن وه‌ك خو بهێته جێبجێ كرن ژی ، هه‌تا بشێن رێگریێ ژ وان كارێن نه‌راست یێن تورێن میدیایێ و سۆشیال میدیایێ بكه‌ین و وێ جوره راگه‌هاندنێ ژی سزا بده‌ن كو پێگیریێ ب وان یاسا و رێسایێن ناكه‌ن و ده‌روونێ جڤاكی تێكدده‌ن ،ئه‌گه‌ر تورێن میدیایێ یین بناڤێ پرۆفشنالیێ كارێ راگه‌هاندنێ دكه‌ن فه‌ره ڤێ یه‌كێ به‌رچاڤ وه‌ربگرن ، كو راگه‌هاندنه‌كا دروست بهێته نیشاندان بۆ ته‌ماشه‌ڤانان نه‌ك دێمه‌نێن گرێدایی بۆ تێكدانا ده‌روونێ جڤاكی .
راسته ل كوردستانێ هژماره‌كا زۆر یا ده‌زگه‌هـ و تورێن میدیایێ و سۆشیاڵ میدیایێ هه‌نه ، كو هه‌ر ئێك ژ وان لگور حه‌ز و هیڤیێن خوه كار دكه‌ن ، كو ئه‌ڤ یه‌كه ژی دێ بیته ئه‌گه‌را شێواندن و تێكدانا دروون و دابه‌شبوونا جڤاكی ب سه‌ر دوو به‌ره‌یان .
دڤێت راگه‌هاندن ب گشتی ژلایێ سیاسی و ئێمناهی و نه‌ته‌وه‌یی و كلتور یێ ڤه خالێن گرینگ یێن گه‌لێ خو ل به‌رچاڤ بگریت ، بزانیت كا ته‌ماشه‌ڤانێن وان چ ژ وان دڤێت و پێدڤییه ل سه‌ر چ كار بكه‌ن ، ب تایبه‌ت بۆ رازیكرنا ته‌مه‌شه‌ڤانێن خو ، نه‌ك بناڤێ پرۆفشنالیێ هه‌ر تشته‌ك بهێته په‌خشكرن ل جه‌م وان ب نورمالێ بهێته دیتن .
