تەڤی پێشکەتن و زێدەبوونا بکاربەرێن تورێن سۆشیال میدیایێ دناڤا جڤاکێن جیهانێ دا و بکارئانینا وێ ژبال کەسایەتیێن خوەدی هزر و ره‌وشەنبیر و رۆژنامەڤان و سیاسی و کەسایەتیێن ناڤدار وه‌كه سەرکردەیێن جیهانێ ، ئه‌ڤێ یه‌كێ ژی جڤاكا جیهانێ ژبۆ دوو ئه‌نیان پارڤه‌كرییه . ئه‌نییا یه‌كێ لگور هزر و نه‌رینا خوه ، خوه راست خویا دكه و ئه‌نییا دوویێ ژی خوه ب حه‌ق دزانه ، هه‌ر ئه‌ڤ دوو سلۆگانه ژی یێن بووینه سه‌ده‌ما چێكرنا ئالۆزییان .
ره‌نگه بكارئانینا سۆشیال میدیایێ ژبۆ هنه‌ك كه‌سان ببه ده‌رفه‌ت ژبۆ ناسینا وان ل جه‌م جڤاكی و تا بگه‌هه وێ یه‌كێ كو ئه‌و كه‌س رێزه‌كه زێده ژ وی وه‌ره گرتن ژ ئالیێ جڤاكی ڤه ، ڤیجا چ وه‌كه کەسایەتیه‌كێ خوەدی هزر و ره‌وشەنبیر و رۆژنامەڤان و سیاسی و سەرکردەیێن جیهانێ به،چ ژ ئالییه‌كێ دن ژی ل جه‌م هنه‌ك كه‌سێن دن ژی ببه به‌لایا سه‌رێ وان و چه‌ندین ئارێشان ژبۆ ژیانا وان دروست بكه .
لێ به‌لێ مه دخواست به‌حسا كارتێكرنێن سۆشیال میدیایێ ل سه‌ر جڤاكێ كوردی و كه‌سایه‌تییا جڤاكێ كوردی بكه‌ین ،كو ئیرۆ وه‌كه ئالاڤه‌كه مه‌ترسیدار ل سه‌ر جڤاكه‌كێ ده‌وله‌مه‌ند وه‌كه نه‌ته‌وه‌یێ كورد تێ بكارئانین ، ئه‌ڤ ژی ژ بال چه‌ندین گروپ و كه‌سایه‌تیێن دیار كری كو ژبۆ به‌رژه‌وه‌ندییا كه‌سی دژ به‌ری وه‌لاتی یێن خوه ب كارتینن ، كو ئه‌ڤه ژی كارتێكرنه‌كه راسته راست ل سه‌ر تاكێ جڤاكی دكه ، ب تایبه‌ت ژی ژ روویێ هه‌لخه‌له‌تاندنا تاكێ جڤاكێ ، لێ به‌لێ دڤێ كو پرۆژه یاسایه‌ك لدۆر بكارئانینا ڤێ سۆشیال مه‌دیایێ ژبال په‌رله‌مێنتێ وه‌ره نڤیساندن و پشتره بێ په‌ژراندن و ببه یاسایه‌ك ژبۆ بكاربه‌رێن ڤێ تۆرا جڤاكێ ، كو نه‌به مه‌ترسی ل سه‌ر ئاسایشا نه‌ته‌وه‌یی . ژ ئالییه‌كێ دن ژی بكاربن وان كه‌سێن كو ب ڤێ ئاوایی خراب سه‌ره‌ده‌ریی ته‌ڤی وان تورێن جڤاكی دكه‌ن راستی جه‌زایان بكه‌ن و یاسا ل هه‌مبه‌ر وان وه‌ره بكارئانین .
ل كوردستانێ ژی چه‌ندین په‌یجی و ئه‌كاوه‌نت هه‌نه ، كو ژبۆ كارێن خوه یێن كه‌سی ژبال كه‌سێن كو دژی به‌رژه‌وه‌ندیین ملله‌تێ خوه و ڤه‌شارتنا راستییان تێن بكار ئانین ، گوژمه‌كێ زێده یێ پاره‌یان ژی لێ تێن مه‌زاختن ، ئه‌ڤه ژی ته‌نێ ژبۆ نه‌شرینكرنا و ڤه‌شارتنا ته‌ڤایا وان راستیێن ، كو پێویسته خه‌لك بزانبن ، ئه‌ڤه ژی راسته راست كارتێكرنێ ل سه‌ر ده‌روونێ تاكێ جڤاكی دكه ، كو ئه‌و ژی ب رێیا دروستكرنا چه‌واشه‌كارییان و به‌لاڤكرنا نوچه‌یێن نه‌راست و دوور ژ ئه‌خلاقیه‌تا مروڤایه‌تیێ .
